Romano 12:12 - NandevaBiblia

¹² Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

Romano 12:12 ပူးပေါင်းရင်းမြစ်များ

Mateo 5:12

Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

Lucas 10:20

Tẽvã avy pyvya mbaiposhyre japo pee pereshuavarã, pyvy'apo jyve pyndyree ñonohãma vate arapy Tũpa ẽvãperã”.

Lucas 21:19

Tãtãkatu peĩrã, peojepepokui.

Lucas 8:15

Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.

Hechos 1:14

Haipe haire ñymbaty ñõĩjyre jurure verãre mbovy taupere hãndi, Maria, Jesús ishy hareka tyvyre.

Hechos 12:5

Hãrã Pedro karcepe teri'ẽ ñyngarekoha'ẽheape, tũpaope ẽvãre jurure pevẽĩ ñynoĩhe Tũpape.

Hechos 2:42

Hãrã haire iko Apostolre mboishua rãĩmi mbijao ijupe reta ĩmereare, ñymbaty retarã hareka iko reta pente ñeepe, jurure hareka hou reta jykaru Tũpa ñymanduaheva ryheva.

Hechos 6:4

Kyrã ore jururehapo hareka pyrymbo'ehateripohe Tũpa ĩñee.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Romano 8:25

Tẽvã ñaharõñaĩ jaheshambavarã, ñyhãrõkuape ñahãrõ.

1 Corintios 13:13

Mbahapy'ẽ opamba ryheva; jyrojakue, ñahãrõva hareka jyhaihukue, tẽvã kova mbahapy'ẽvã retaivi haikaviveva hai jyhaihukue.

2 Corintios 12:8

Mbahapyjy airureshu Ñandeja, heky shyhevi verã kova mbai.

Filipenses 3:1

Ã'ẽ, pee shyryvyre, pyvya katu Ñandeja rehe. She pevarã ha'eã shymangatumba hykuaĩ ha'ĩ ambyparajype kuatiaperã, katynga kova pymborypo pijavymba verã.

Filipenses 4:4

Pyvyañoĩpo Ñandejare opa ara. Hai jyvyĩ pee: Pyvy'a.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Colosenses 4:2

Pirure katu, pimoã ryheve hareka pymeẽ pyndy'ajetekue Tũpape.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 5:8

Tẽvã ñande ara kõĩvape jaiva, opa arapo haikavi jaiko. Jaijochapopy jyroja hareka jyhaihukuepy, syndaro ijochapya rãĩmi pitiaipi, ñymyhẽva'õ ñyrãrõ verã, syndaro ñãka jochapya rãĩmi ñañõno ñandijehe ñyhãrõ hareka ohojepea ryheva.

2 Tesalonicenses 1:4

Hãrã ore jyve jyrojaha pyndyrehe opaite yngava tũpao Tũpa ryhevape, ñyhãrõkua ryheve hareka pirojakue pyheshaka opaite pyhasa pynymoñahava mbyteipi hareka jyhasa'asyipi.

2 Tesalonicenses 3:5

Ñandeja Jesús tikuaaka kavivepe pyhaihu verã yngare, Tũpa ñandyraihuva rãĩmi hareka tymeẽpe jyhaihu jyhasa'asy opa pijepykavihe verã.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

2 Timoteo 3:10

Tẽvã nde Timoteo, rikuakavi apyrỹmboihea, aikova rãĩmi, mbai pota ajapova rãĩmi, airojakue, jyhaihukue hareka ñyhãrõkuaa, pyrãtãkue ajepyhe verã porãmba vekua,

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

Hebreos 10:32

Pynymanduapohe ara hasa vekuare, hãĩrã Cristo ryheva pikuaarã hareka mbaretepe pijepyhe jyhasa'asy ojaimbava.

Hebreos 10:36

Pee pikotẽvẽ pyreko ñyhãrõkuaa kova jyhasa'asype, Tũpa potava pijapo verã hareka pipity verã ĩñee meẽva Hai hei vekua.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

Hebreos 5:7

Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

Hebreos 6:15

Abraham pyareheimba'i hãrõrerã, hãrã Tũpa hipitykashu hai heishua meẽshu verã.

Santiago 5:7

Katynga shyryvyre, pyhãrõ kavi Ñandeja oujypeve. Pymaĩhe marãra ma'ẽty'ia hãrõ ñotyva ia mynoo verã, hãrõ kavi vãhẽshupeve aremba haiviva hareka arẽãmba haiviva.

1 Pedro 4:13

Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

2 Pedro 1:6

hareka arãndukuepy, katu ijijokova ryheve, ijijokova ñyharõkuaa ryheve, hareka ñyharõkuapy tykove mbijicheava Tũpa pevarã;

Apocalipsis 13:10

Ĩme'ẽ mbyperesoa verãrã, rahapo mbyperesoha, hareka kyse pukuvape jukaha verã, kyse pukuvapepo jukaha. Hokava he'ise Tũpa ryhevare ñyhãrõkuapepo hasa reta mbai hasyva hareka tantapo'ẽ jyrojakuepe.