Romano 11:20 - NandevaBiblia

²⁰ Haikavi, opa jasyjaha reta shara jyrojãã reta, hareka nde tanta rẽĩ jyrojakuepe. Hãrã avypo riroja ndijehekui; koñeĩ jyrykyje.

Romano 11:20 ပူးပေါင်းရင်းမြစ်များ

Lucas 18:14

Hãrã she hai pee ko henta'õre mbyhepyva okora'ia ohojy hentape Tũpa hejareiimashia mbai porãmba vekua. Tẽvã fariseo kyrãã hai. Hãma ĩme'ẽ ha'eii vateve iñiñono'iarã, mbaimbava rãĩmipo japoha, tẽvã õñemomishĩĩvã, vatevepo ñonõha.

Hechos 18:6

Tẽvã haire õñepyrõ ñymbyvaishohe hareka jahehe reta. Hãrã Pablo mỹtỹmo mondeva heshaha verãrã heishu reta: Ã'ẽ ñunupa oupo peãrẽ, tẽvã aikuaveamapo shekui. Hãrã ã'ẽ ahamapo haimba Judiovare mbytepe.

Romano 11:18

Tẽvã avypo rirojahe haikavive rẽĩshia Judiore opa mbijicheavare. Nymanduapohe ha'eã nde rijoko rĩñonova hapo, katynga ndoko niñonova hai hapo.

Romano 11:21

Shara Tũpa hejareiããshu yvyrahãkare, ha'eã jyve nde hejareii ndyhevi verã.

Romano 12:16

Pente pyapeĩ piko yngavare hãndi. Avy piroja pindijehe, koñeĩ piñimbivache handi mbaimbava rãĩmi'iare. Avy pere pindijehe peĩĩ mbai opa pikuaava.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Romano 3:3

Ĩme'ẽ Judiovare Tũpa ĩñee rojambarã, hãmera haire rojaarã, Tũpa japoãpo jyve hai ĩñee meẽ vekua?

1 Corintios 10:12

Hãma rojava hai pyrãta kavima'õva, tirykyje katu mahẽ oajykui.

1 Corintios 15:1

Ã'ẽ shyryvyre, aipota apyrỹmymandu'aka Ñee kaviva ambeupe vekua, hai pymyvãhẽ vekua hareka tãntapeĩheva.

1 Corintios 16:13

Pingarekokatu, avy peche hareka piñymypyrãta jyrojakuepe. Piñimbypyavasu hareka pitasokatu.

2 Corintios 1:24

Ha'ẽã pota ñimbi'ijahahe pirojakuerã, potaĩ rãnga pymboryha pyvya verã; shara pirojakue rupii tãnta pitasopeĩ.

2 Corintios 10:5

Ity yvype opaite mbai he'iavare, hareka Tũpa ãrãndure pũãvã, hareka opaite kuaretare pya mbijetava rãĩmi ñonoha Cristo ipope, ĩñee rẽndushu verã.

Filipenses 2:12

Hãrã shyryvyre ahaihuva, ãĩme ãĩ penendierã pijapoñoĩ she haiva, ha'eã ãĩme ãĩ penendierãmeĩ, katynga shembape hetave ã'ẽ, kyjevape hareka ryryvape pymba'apohe pynymondojepevare,

Colosenses 2:7

piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

2 Tesalonicenses 2:4

Hokava kuareta ñymbyvaishopohe Tũpa hee rahavare maĩrã pota omomba'eha hareka pyhyrõpo Tũpa jytũpaore hareka Tũpa rãĩmipo ijapo.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

Hebreos 3:19

hareka añete katuã iche Canaanpe shara jyrojããhe reta Tũpa.

Hebreos 4:11

Hãrã ñañehããpo jaiche hokava putu'uavape, mahẽ mbava oakui ñee hendumba'iare rãĩmi ikorã.

Hebreos 4:6

Tẽvã ĩmeteri'ẽ ndeiteri iche verã hokava putu'uha verãpe, shara tynondeite Ñee kaviva mbe'uhashu vekuare ñee henduããrã icheã reta.

Santiago 2:19

Nde ryroja Tũpa penteĩ'õ; rijapokavi! Mbaiposhyre rojaĩ jyve kova hareka opa ryry reta kyjeiterã.

Santiago 4:6

Tẽvã Tũpa hetave ñanymbory pya kavikue ryheve. Hãme hei: Tũpa ñymytãtãshi jyroja ijehevare, tẽvã pyakavishu oñemomishĩvare.

1 Pedro 1:17

Pee pyhẽno “Sheru” Tũpaperã, mbivachekava pepenteĩ mbai japova rehe mbavapemba mbivavyva, pikoteri ko yvy'ĩãrẽrã pykyjeposhi Tũpa.

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.

1 Pedro 5:9

Tantapẽĩ pirojakuepy, shara pikuaa opaite yvy jerekuepy pee rãĩmi jyrojavare hasa'asy ñynoĩ jyve reta.

Apocalipsis 18:7

Hai rãnga jyroja'ijehe hareka pya ohohe haikavivape iko verã; hãme ã'ẽ pymbyhasa'asyveshu hareka tijaheo. Shara hai pyape hei: “Kope avapy ãĩ huvisha vasu rãĩmi. Ha'ẽãshe ĩme manoshia hareka ahasa'asyãvãĩpojy”.

Apocalipsis 3:17

Tẽvã nde rere rikokatuva, opa mbai ohokavindea, tẽvã rikuãã rymondo ndijehe rymbasy verã hareka mbai mba'etyape, ndypavete, ryheshamba kũvaĩpi hareka nynaniã.