17 Hokava olivoivi, hai Judiore, ã'ãmo hãkãre jasyjaha hareka minjehahe olivo ñanaipi'õ, nde hai hokava haimba Judiova. Hãme rãnga hapopeve rẽĩhe, tykove meẽshua olivo.
Hãmẽãra hai pee, Tũpa huvisharã'õpe hekypo pyhevi hãrã yngavapepo meẽ, kuaretare mynõõva Tũpa huvisharã'õpe'õ ryheva.
She hai uva jypy añeteva, hãrã Sheru hai ñyngareko'ẽhea.
Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.
Hãrã ẽmba shyreheva, mombohapo hãka jipiva rãĩmi, mbatyha momboha verã tatape.
Ko ñee me'ẽãva rãnga, pee hareka pyndyrayre pevarã, jaishu opaite Teja ñanu Tũpa hee hẽno'iare pevarã jyve.
Nde ndijypyivive hai nde olivo ñanaipi'õ, haivi ndijasyjaha hareka nimbihi'a olivo haikavivare hareka javai'ãĩtevemapo mbihi'aha Judio retare, arykaima hai peeva olivo haikaviva hãka.
Ñande rãnga hai Judiore jaarãvaĩ, ha'eã mbai porãmba japo'ia hareka haimba Judiore rãĩmi.
Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.
Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.
Kova mokue heshava mbeuvare hai mokue yvyra olivo hareka mokue tataĩndy hyru Ñandeja hỹnonde yvy'ĩãre'õ.