Romano 11:14 - NandevaBiblia

¹⁴ Aipota a'ãmore shyryhevare ñyngareko pyndyrehe, kyrãrã a'ãmo hipitypo ñymondojepeva.

Romano 11:14 ပူးပေါင်းရင်းမြစ်များ

Romano 10:19

Tẽvã hykuaĩ apyrãndujy: Ĩmera Israelvare kuãã reta? Tynondemba Moisés hei: Ãma'ẽĩpohe ñymorãã hãndi pente tenta haimba shyrenta ĩrũre, hareka apyrỹmbyposhykapo tenta kuaambare rupii.

Romano 11:11

Ã'ẽ apyrãndu: Israelitare oa retarã, haipemaĩra pyta pũãmbape? Mba'ety! Ha'eã kyrãva, haikaviveva hai, Judiore ñee henduã retarã, haimbaa Judiovare Tũpa mondojepeshu, Israelitare ñyngareko jyre verã.

Romano 9:3

Shara shetei aipota jahea shyrehe, Cristo asyryshiape, shyryvyre ahaihurã hareka sheii shyrẽnta ĩrũre.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

1 Corintios 7:16

Shara nde taupe, marãira rikuaa, katu rỹmondojepe verã neme? Maĩrã, nde kuimbai, katura rỹmondojepe ndyreko.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

1 Timoteo 2:4

shara hai pota opaite kuaretare ohojepe, hareka kuaa kavive añeteva ryheva.

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

Tito 3:5

ñanymondojepe haimbatẽ mbai haikaviva jajapo jairã, shara ñandypareko. Ñandohe mbai porãmbavaivi, ñanymby'oa py'ahujy hareka Espiritu Santo rupii meẽ ñande tykove py'ahuva.

Filemon 1:12

Hãme rãnga ã'ẽ hykuaĩ amondojy nde, hareka airure nde rỹmyvãhe kavishu verã she shymyvãhẽva rãĩmi.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Santiago 5:20

pynymanduahe kova: Ĩme'ẽ mbai porãmba japo'ia poi mbijapokavarã, mondojepepokui ñymanoivi hareka hetapo hejahareiishi mbai porãmba vekua.