Romano 10:9 - NandevaBiblia

⁹ Nde rere ndijuruipi Jesús haiva Teja, hareka ndypyaivive ryroja Tũpa mynguerajyva manovare mbyteivirã, reojepepokui.

Romano 10:9 ပူးပေါင်းရင်းမြစ်များ

Lucas 12:8

She hai pee, opaite shymbeuva kuaretare hỹnonde, ko kuareta Tay mbeupo jyvekui Tũpa jokuevare hỹnonde.

Juan 9:22

Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Hechos 16:31

Haire heishu: Jyroja Ñandeja Jesucristore, hãrã reohojepe hareka jyve nyrẽtape'õre.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Romano 10:10

Shara typyaivi rojaha hipitya verã tykove hekope kavi'õ ryheva, hareka tijuruipi he'iha Jesucristo jarojava jahajepe verã.

Romano 14:11

Mbyparahavape heiva rãĩmi: “Shiñee ameẽ hei Ñandeja, opaitevapo ĩñesu shynondekui hareka heipo reta she haiva Teja”.

Romano 14:9

Ha'erã rãnga Jesucristo mano hareka kuerajy manovare mbyteivi, ikoshi verã manova hareka hykove teri'iare Ija.

Romano 4:24

ñandyrehe rãnga jyve, shara jaroja Tũpa haitei mupũajy vekua Jesús Ñandejape.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

1 Corintios 12:3

Hãme rãnga aipota pikuaa, mbaveãpo hei: “Toho Jesús Ãña kyty”, ãñete Tũpa Espiritu ryhevape ijetarã. Hareka katuã mbava heijy: “Jesús hai Ñandeja”, ãñete hai ijeta'ẽ Espiritu Santo ñymbaikatukuepyrã.

Filipenses 2:11

Hareka opavare hei verã Jesucristo haiva Teja, õñemomba'e vasushu verã Tũpa Teru.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

1 Juan 4:15

Ĩme'ẽ heiva Jesucristo haiva Tũpa Tay, ikoma hãndi Tũpa hareka pyapere Tũpa.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.