Romano 10:2 - NandevaBiblia

² Aikuakavi haire kyrẽỹte Tũpa heiva japova, tẽvã kuaa kaviã añeteĩte marãrapo japo reta.

Romano 10:2 ပူးပေါင်းရင်းမြစ်များ

Juan 16:2

Pymohẽãpokui Judiore ñymbatyseavi, hareka vãhẽpo ara mbava pindijukamarã, mõate haikaviva japova Tũpa pevarã.

Hechos 21:20

Haivi kova henduma retarã, õmombai reta Tũpa. Hãrã heishu reta Pablo: Haikavi shyryvy Pablo, ryheshama israelitare mbytepe hetama ẽẽ jyrojavarã, hareka opaite ñymykateyhe reta Moisés mbypara vekua.

Hechos 21:28

hareka sapuke reta: Kuimbaire Israelvare, yrỹmborymi! Kova kuimba hai oparupi kuaretare mboiheva ỹrỹrẽta hyvaishorã, Moisés mbypara vekuare hareka tũpaore, harekajy ã'ẽ minjemajy griegore, hareka myngya kova tyrẽnda kyambava.

Hechos 22:22

Haipeveĩ hendushu reta; tẽvã õñepyrõ sapuke reta: Hokava kuareta katuã ĩmeĩ'i! Tymano! Potahaveãma hykuaĩ heshahajy ko yvy'ĩãrẽ!

Hechos 22:3

She hai Judio. Tarso Siliciape aa vekua, tẽvã ko Jerusalenpe akuakua hareka Gemaliel shymboi kavihe ñee mbyparahava ñanytynondevare ryheva hei vekua rãĩmi, aipotañoĩ ajaposhu Tũpa heiva shypyaivive, ã'ẽ pee pijapova rãĩmi.

Romano 10:1

Shyryvyre, shypyape aipotava hareka Tũpape airureva hai, Israelitare ohojepe verãre.

Romano 10:3

Haire kuãã Tũpa haiva kuaretare mbyheko kaviva, hai retai pota ñymbyheko kavi jyre ijupe, hareka kyrã iñiñonoã reta Tũpa ñonovape ñanymbyheko kavi verã.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

2 Corintios 8:3

She aikuaa haire ĩmereamikueĩ meẽrã hareka heta ĩãrẽve meẽ reta.

Galatas 1:14

Judiore japova ajapo airã, ajapoveshi shyrẽta ĩrũre aivache hãndiare, ajema aingarekotehe ajapo verã sherure pyrỹmboiva rãĩmi.

Galatas 4:15

Pyndysaremarahepe hoka vya pyreko vekuaivi? She aikuaa, katurã, pynohẽte verã pyndyresateiva pymeẽshe verã.

Filipenses 1:9

Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,

Filipenses 3:6

Shapuiteherã, tũpaore amoña'are, hareka Moisés mbypara vekua rupii ajaporã, mba'ety mbava mbai heishe verã.

Colosenses 4:13

She ahesha marãra Epafras heta ojepy'apy pyndyrehe, handi tenta Laodicea hareka Hierapolispe'õre.