Romano 10:19 - NandevaBiblia

¹⁹ Tẽvã hykuaĩ apyrãndujy: Ĩmera Israelvare kuãã reta? Tynondemba Moisés hei: Ãma'ẽĩpohe ñymorãã hãndi pente tenta haimba shyrenta ĩrũre, hareka apyrỹmbyposhykapo tenta kuaambare rupii.

Romano 10:19 ပူးပေါင်းရင်းမြစ်များ

Romano 10:18

Tẽvã apyrãndu: Ĩmera'ẽ hendumbare Ñee kaviva? Hendu rãnga reta! Shara kuatia Mbyparahavape hei: “Haire ĩñee oparupi henduha ko yvy jerekue, yvy japyapeve vãhẽ haire mbeuva”.

Romano 11:11

Ã'ẽ apyrãndu: Israelitare oa retarã, haipemaĩra pyta pũãmbape? Mba'ety! Ha'eã kyrãva, haikaviveva hai, Judiore ñee henduã retarã, haimbaa Judiovare Tũpa mondojepeshu, Israelitare ñyngareko jyre verã.

Romano 11:14

Aipota a'ãmore shyryhevare ñyngareko pyndyrehe, kyrãrã a'ãmo hipitypo ñymondojepeva.

Romano 3:26

hãrã ã'ẽ ara ñaĩmevape, heshaka jyve poimbaa heko kaviva, mbyheko kavi opaite Jesús jyrojahea.

1 Corintios 1:12

Kova rãnga hai, aipota hai peeva: Ĩme'ẽ heiva pymbytepe “She hai Pablo ryheva”; ĩrũre hei: “She hai Apolo ryheva”; ynga hei: “She hai Pedro ryheva”; yngare heijy: “She hai Cristo ryheva”.

1 Corintios 10:19

Ha'ẽã rãnga mbai vasuva ta'ãnga, maĩrã soo ta'ãngape me'ẽãva haikaviveva ynga soo retaivi.

1 Corintios 11:22

Mba'etyrapyre pero pykaru hareka pimbyu verãpe? Marã'ĩrãra pimbijiche Tũpa hoope ñymbaty'õre? Mbaivarapo hai pee? Shymbyhoryrapo hokava? Mba'etyiti rãnga!

1 Corintios 12:2

Pee rãnga pikuaa ndei pirojarã, pyma'ẽĩhe pyndyrahaha ta'ãnga ña'ẽnguvare jykoty.

1 Corintios 15:50

Aipota hai pee, shyryvyre, kova tyro'o hareka turuvy ẽẽãposhukui iche verã Tũpa ẽvãpe; shara opareiiva katuãpo jihia opamba verã.

1 Corintios 7:29

Shyryvyre, aipota hai peeva rãnga hai kova: Mbovy araĩma hemby'ẽ ñande. Hãme rãnga omendavare tiko omendambava rãĩmi;

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

1 Pedro 2:10

Aryka'e rãnga ha'eãmbape Tũpa henta'ĩrũ ryheva, tẽvã ã'ẽ haimape Tũpa henta'ĩrũrã; aryka'e mba'ety pyndyparekova, tẽvã ã'ẽ Tũpa pyndypareko.