Romano 10:17 - NandevaBiblia

¹⁷ Shara jyrojakue hai ñee hẽnduava rupii ouva, hareka hokava mbe'uava ou Cristo ĩñeevi.

Romano 10:17 ပူးပေါင်းရင်းမြစ်များ

Marcos 4:24

Hãrã heijyshu reta: Pijasaka kavihe ko pyhendu pẽĩvare, papisha pijapova rãĩmi katĩĩpo, Tũpa pory jyve pyrehe; hãrã mi ĩrũhãvepojy pekui ko pyhenduvaivi.

Lucas 11:28

Jesús heishu: Vy'apo jyve Tũpa ĩñee hendu hareka japova!

Lucas 8:11

Kova rãnga he'ise ñee ñymyhã'ãnga ñimity'ia ryheva: Timity rãnga hai Tũpa ĩñee;

Lucas 8:21

Jesús heishu reta: Shesy hareka shichey reta rãnga Tũpa ĩñee hendurã japovare.

Juan 1:37

Hãrã kova mbo'ehareare mokue'ia henduma Juan heivarã, jyraha hipii Jesús.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Romano 10:14

Marãirapo hẽno reta, jyrojambaheare? Marãirapo roja reta hendumbare kova? Marãirapo hendu reta mbamba mbeushuare?

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

Galatas 3:2

Aipotaĩ pymbyhovaishe ko apyrãnduva: Vãhẽrape Tũpa Espiritu Santo Moisés mbypara vekua pijapopirã maĩrã pyroja ko Ñee kavivarãra?

Galatas 3:5

Tũpa meẽpeje Espiritu hareka japo pyhesha verã heta mbaikavi heshaha verã. Marã'ĩrãra japo? Ha'eã Moisés mbypara vekua pijapopirã, Ñee kavi pyhendu vekua pyroja rãmeĩ rãnga.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

Hebreos 4:2

Shara mbe'uha jyve ñande Ñee Kaviva, haire rãĩmi; tẽvã haire hendu vekua mba'ẽãshu reta, shara ñee hendu vekuare, jyrojakue ĩmerevare mi'ĩrũãshu japo vekuare.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.