Romano 10:15 - NandevaBiblia

¹⁵ Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.

Romano 10:15 ပူးပေါင်းရင်းမြစ်များ

Mateo 9:38

Hãrã pirureshu koo ija hareka tymboushu kuaretare mba'apo verãre”.

Lucas 10:1

Haivi Ñandeja pyhỹrõ 70 mondo verã momokue hỹnonderã, tentaipi, hareka opaite hai oho verãipi.

Lucas 2:10

Tẽvã Tũpa jokueva heishu reta: Avy pykyje; aru pee mãrãndu haikaviva, opavare mbyvya verã.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Lucas 8:1

Haivi Jesús oho hãndi 12 mboireare heta tenta vãsu hareka tentamire õipi, ñimiñee hareka mbeu Tũpa ẽvãpe'õ ryheva.

Juan 20:21

Haivi Jesús heishu reta: Pyndypya kaviteño! Sheru shymondova rãĩmi, she apyrỹmondo jyve.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Hechos 13:26

Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.

Hechos 22:21

Tẽvã Ñandeja heishe: “Ekua, shara arỹmondopo mbyry haimba Judiore ẽvãpe”.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 1:15

Hãme rãnga shykyrẽ'yĩte aha ambeu jyvepe Ñee Kaviva Romapepeĩva.

Romano 15:20

Tẽvã añehããñoĩ ambeu Ñee kaviva, Cristo ryheva henduambaipi, potãã yngavare jypyrã ñono vekua ĩãrẽ ãmupũãjyrã.

Efesios 2:17

Cristo rãnga oumba mbeu ñee haikaviva veruva pya kavi opava retape, pee pevarã Judiombavare mbyry pẽĩva Tũpaivi, hareka Judiovare mbyrymba'ẽshiare Tũpa.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 6:15

Pẽĩ kavi piñimĩñee verã Tũpa Ñee Kaviva pya vapy ryheva rehe, ko syndaro ẽẽ kaviva rãĩmi mondema ipy ryhevarã.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.