Romano 1:7 - NandevaBiblia

⁷ Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

Romano 1:7 ပူးပေါင်းရင်းမြစ်များ

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Hechos 15:23

Hãrã mbyrahaka reta ko kuatiape heiva: Ore Apostol, kuakuavare tũpao ñãkarã'õre hareka jyve opaite kope tũpaope'õre, pynymarãnduha opaite yryryvyre, haimba Judiovare, pee tenta mbyryva pikova Antioquia, Siria hareka Ciliciape.

Hechos 9:13

Hãrã Ananías hei: Karai, heta mbai ahenduhe kova kuimbai, hareka heta mbai porãmbava japo'iheva heko kyamba Jerusalenpe.

Romano 1:6

Hokava paũpe rãnga opama pee pinimĩjea jyve, hẽnoha Jesucristo ryhevarã.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Romano 5:5

Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

Romano 8:39

vate arape'õvãĩmba, yvykuape'õvã, mba'ety Tũpa japo vekua ñanymbysyryshi verã Tũpa jyhaihukue, hai heshaka ñande Cristo Jesús Ñandeja rupii.

Romano 9:25

Kuatia Oseaspe heijyve: “Shyrẽta ĩrũre haiposhukui, haimbavare. Haihumbava, haiposhukui ahaihuva.

1 Corintios 1:24

Tẽvã Tũpa hẽnovare pevarã Judiore, maĩrã, Griegore, Cristo hai Tũpa ñymbaikatukue hareka ñymbaikuaakue.

1 Corintios 16:23

Ñandeja Jesucristo tymaĩkavi pyndyrehe.

2 Corintios 13:14

Ñandeja Jesucristo tymaĩkavi pyndyrehe. Tũpa jyhaihukue hareka Espiritu Santo tiko penendie.

Galatas 6:18

Shyryvyre, Ñandeja Jesucristo tiñohẽ pyndyrehe mbai kavikue. Amén.

Efesios 1:2

She airureshu Tũpa, Ñanderu hareka Ñandeja Jesucristo, tymeẽpe pya kavikue hareka pyavapy.

Efesios 6:23

Tũpa Ñanderu, hareka Tũpa tay Jesucristo tymeẽ ñandyryvy retape pyavapy hareka jyhaihu, jyroja ryheve.

Filipenses 1:2

Ñanderu Tũpa hareka jyve Teja Jesucristo tymeẽpe jyhaihukue hareka pyavapy.

Filipenses 4:13

Opa mbai katu ajapo Cristo rupii, hai shymypỹrãtase'ia.

Filipenses 4:20

Ñamombai vasushu opa ara Tũpa! Amén.

Filipenses 4:23

Ñandeja Jesucristo jyhaihu tõĩ penendie. Amén.

Colosenses 1:2

ambyparape ko kuatia shyryvyre Colosape'õre, Tũpa ña'ãpova pyhỹrõvare heko kyamba. Tũpa tiñono pyrehe mbai kavikue hareka tymeẽpe pyavapy.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

Colosenses 3:15

Hãrã Cristo pya symyĩkue tymytynyhe pyndypya, ha'ẽrã rãnga pynyrẽno aryka'e Tũpa, piko verã penteva rãĩmi hãma pymeẽshu pyndy'ajetekue.

1 Tesalonicenses 1:1

Ore, Pablo, Silvano hareka Timoteo, mbyparaha ko kuatia ñandyryvyre tũpao tenta Tesalonicape'õre penteapeĩ ñynoĩheva Tũpa Teru hareka Ñandeja Jesucristo. Tũpa tymeẽpe pyavapy hareka mbai kavikue.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 1:4

Shyryvyre Tũpa haihuvare, kuaaha rãnga hai pynypyhỹrõrã.

1 Tesalonicenses 4:7

Shara Tũpa ñanyrẽnoã ñandyrykove ñamyngya jai verã, ñandyreko kavi verãĩ rãnga.

1 Tesalonicenses 5:28

Ñandeja Jesucristo tiñohẽ pyndyrehe mbai kavikue. Amén.

2 Tesalonicenses 1:2

Airureshu Tũpa Teru hareka Ñandeja Jesucristo tymeẽpe jyhaihukue hareka pyavapy.

2 Tesalonicenses 3:16

Hareka Teja pyavapyva ryheva, tymeẽpe pyavapy opa hendaipi hareka opa ara. Ñandeja tõĩ penendie opa ara.

2 Tesalonicenses 3:18

Opaiteva Ñandeja Jesucristo tiñohẽ pyndyrehe mbai kavikue. Amén.

1 Timoteo 1:2

ambypara ko kuatia Timoteope, ãñeteĩte shyra'yrã 'area jyrojakuepe. Airureshu Tũpa hareka Ñandeja Jesucristo tiñono ndyrehe mbai kavikue, jyparekokue, hareka pya vapy.

1 Timoteo 6:2

Hãrã ĩme'ẽ pyrokue'õ jyrojavarã avy tijapoã jyveshu hai heiva, shara hai jyve tyvy jyrojakuepe. Japo kaviteve rãngaposhu hai heishua, shara japova hipityva hai jyrojavare hareka ñandyryvyre haihuavare. Kova hai rỹpyrỹmboihe verã hareka mbeushu reta japo verã.

2 Timoteo 1:2

Marãndushu Timoteo shyray ahaihuva. Tũpa hareka Ñandeja Jesucristo tiñohẽ ndyrehe ñymbai kavikue, jyparekokue hareka tymeẽ nde pyavapy.

2 Timoteo 4:22

Ñandeja Jesucristo tõĩ nendie. Tũpa jyhaihukue toĩ penendie. Amén.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

Filemon 1:25

Ñandeja Jesucristo jyhaihukue toĩñoĩ pyndykovepe. Amén.

Filemon 1:3

Tũpa Ñanderu hareka Teja Jesucristo tiñohẽ pyndyrehe mbai kavikue hareka pyavapy.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

1 Pedro 1:15

Ã'ẽ pikopo heko kyambape, Tũpa rãĩmi heko kyambava pynyrẽnova.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

2 Juan 1:3

Tũpa Teru hareka Tyray Ñandeja Jesucristo, maĩkavipo pyndyryhe, hareka meẽpope jyparekokue hareka pyavapy, añetevape hareka jyhaihukuepy.

Apocalipsis 2:1

Mbyparashu Tũpa jokueva tũpao Éfesope'õ: Kyrã hei 7 jasytata ipo jakataperea, hareka ikova 7 tataĩndy hyru ita vera ijuva mbyteipi:

Apocalipsis 2:12

Mbyparashu Tũpa jokueva tũpao Pérgamope'õ: Kyrã hei kyse hakuapuku mokue hãĩmbeva ĩmerea.

Apocalipsis 2:18

Mbyparashu Tũpa jokueva tũpao Tiatirape'õ: Kyrã hei Tũpa ray, hesa tata hendyva rãĩmiva hareka ipy bronce verava rãĩmiva.

Apocalipsis 2:29

Japysava, tyhendu kova Espiritu heiva tũpao retape.

Apocalipsis 2:8

Mbypara jyveshu Tũpa jokueva tũpao Esmirnape'õ: Kyrã hei tynonde hareka japyhea, arykai manova hareka puãjy vekua,

Apocalipsis 22:21

Teja Jesús jyhaihukue tõĩ pyndyrehekui opa ara.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.

Apocalipsis 3:22

Japysa'ia, tyhendu Espiritu heiva tũpao retape.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.