Romano 1:30 - NandevaBiblia

³⁰ ijeta porãhe yngare, heshatãã reta Tũpa, pya mbijetavape hei reta haire haikaviveva hareka kuareta retape heiñoĩjyre haire haikaviveva, nohẽñoĩ reta py'ahuva marãrapo japo reta mbai porãmba, hareka ñee henduãshu reta tuure.

Romano 1:30 ပူးပေါင်းရင်းမြစ်များ

Mateo 15:4

Tũpa rãnga hei: “Emombaishu nderu hareka ndesy, shara jaheheva tuu hareka ishy, jukahañoĩpo”.

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Lucas 21:16

Hãrã peru retaavepo pũã pyndyrehe, pyndyryvyre, pynyrẽtãre hareka pini'ĩrũre: Ĩmepo'ẽjy a'ãmore peeva pindijukava.

Juan 7:7

Kuaretare ko yvy ĩãrẽ ẽvare katũã pyndyreshatãã; tẽvã she shymymorãã reta, shara she ambeushu reta mbai porãmba japo vekuare.

Hechos 5:36

Pynymanduarahe kyyãteri Teudas puãrã vekua, oñemombai vasu vekua hãrã mi'ĩrũ 400 kuimbai rupii tẽvã hai jukahamba haivi opaite iko'i hipiare opa ñymomohẽ hãrã opareii.

Romano 2:17

Nde rĩmbyheeriva Judio, rirojahe Moisés mbypara vekua hareka nu Tũpa rehe rirojajy ndijehe.

Romano 2:23

Rirojahe ĩmeryre Moisés mbypara vekuarã, tẽvã rijapoã, kyrã remomba'ẽãshu Tũpa.

Romano 3:27

Tũpa hỹnonde, mba'etyjare maĩnunga jairoja jai ñandijehe verã, shany Tũpa heima ñande, shara jairojahe Jesucristo, hareka ha'ẽã jajapo Moisés mbypara vekuarã.

2 Corintios 10:15

Jyrojahãã'ihe yngavare japova ore japoha vekua rãĩmi, koñeĩ hãrõhã pupũãve peho verã jyrojakuepe, kyrã piñymbyhetave verã, õhẽãmbashiape irĩñonoãvaivi,

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

2 Tesalonicenses 2:4

Hokava kuareta ñymbyvaishopohe Tũpa hee rahavare maĩrã pota omomba'eha hareka pyhyrõpo Tũpa jytũpaore hareka Tũpa rãĩmipo ijapo.

2 Timoteo 3:2

Imepo'ẽ kuaretare ha'ei ijaihuva, kyrypoti haihuva, jyrojapo ijehe hareka ijetapareipo ijehe. Ijeta porããpohe Tũpa, tuure heishua japoveãmaposhu, ñee kavi henduseveãmapo hareka kuaaseveãpo Tũpaivi,

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

Santiago 3:5

Kyrã jyve ñaneku; hai pente ñandyretere'õ ryheva mishĩĩva, tẽvã katu heta mbai jepyhe. Pyhesha marãra tata mishĩtẽvã katu ñana tivisha'õva opaĩ hapy.

Santiago 4:16

Katynga, pypya'ohe piroja pindijeheva ryheve pijetarã. Opaite kyrã jyroja'ijeheva porãã.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.