Romano 1:28 - NandevaBiblia

²⁸ Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Romano 1:28 ပူးပေါင်းရင်းမြစ်များ

Hechos 17:23

Shara pemombai vasuvaipi ahasarã hareka amaĩrã, ahesha pente altarpe pente ñee mbyparahava heiva: “Pente Tũpa kuaambava”. Hoka pikuambava pemombai vasu pyreva, hai rãnga ambeupe.

Hechos 17:32

Hãma henduma reta manova kuerajya ryhevarã, ĩme'ẽ ñymbyhoryheare, tẽvã ĩme'ẽjy heishuva: Nyrẽnduhaipojykui ĩrũ arape hokava ryheva.

Romano 1:18

Hãme vate araivi Tũpa heshakashu poshykue kuareta pyryparekombare hareka heko jyvachembare, hareka ñañarõvare añeteva jocharea.

Romano 1:21

Shara ajemaĩ kuaatẽ reta Tũpa, tẽvã õmomba'ẽãshu reta Tũpa rãĩmi hareka jy ajetekueĩmba meẽshuare. Kyrãtẽ verã õñepyrõ pya mbijetahe reta ñee mbaimba vekua Tũpa rehe hareka pya mbaimba kuava tynyhẽ pyntukue.

Romano 1:24

Hãme rãnga Tũpa hejashu reta porãmba haire pyape ẽvã, pyape mbijetava raha hetepe mbai pyrỹmymarãkava.

Romano 1:26

Hãme rãnga, Tũpa hejashu reta haire potava pyrỹmymarãkavape, ñukuña retave ñateỹ iko hãndi kuimbaire, koñeĩ pota iko hãndi yngava taupere.

1 Corintios 15:34

Pymaĩ kavipẽĩ hareka avy pijapo mbai porãmbava, shara ĩme'ẽ pymbytepe Tũpa kuaamba'eiteva, kyrã hai pee kova mbai apyrỹmymarãka verã.

2 Corintios 10:5

Ity yvype opaite mbai he'iavare, hareka Tũpa ãrãndure pũãvã, hareka opaite kuaretare pya mbijetava rãĩmi ñonoha Cristo ipope, ĩñee rẽndushu verã.

Efesios 5:4

Avy pere mbai pyrỹmymarãva, mbai porãmbava, ñee porãmbava, jyrojavare ha'ẽã kyrã ijeta verã; hokava hendape pymeẽ pyndyvya Tũpape opa mbai meẽpevare.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

2 Timoteo 3:8

Kyrã jyve Janes hareka Jambres ñymbyvaisho jyrehe reta Moisés, hareka kova kuaretare ñymbyvaishohe añetevare. Hai kuaretare kyavaĩ ñakapereva, jyrojakuepe porãmba heshahava.

Tito 1:16

Hei reta kuaava Tũpa, tẽvã japovare rupii jykuahe reta heireii jyrerã; kuaretare heshatããshu reta hareka ñee henduã reta, ẽẽãshu mbai haikaviva japo verãre.

Filemon 1:8

Hãmeara, ajema Cristo heepe ĩmete are hainderã rijapo verã,

2 Pedro 3:5

Hokava kuaretare arykaivaĩ kuaaseã ẽẽva ara hareka Tũpa ĩñee rupii nohẽva kova yvy, yy mbyteivi hareka yyhupi ikova.