Romano 1:18 - NandevaBiblia

¹⁸ Hãme vate araivi Tũpa heshakashu poshykue kuareta pyryparekombare hareka heko jyvachembare, hareka ñañarõvare añeteva jocharea.

Romano 1:18 ပူးပေါင်းရင်းမြစ်များ

Romano 1:19

Kova kuaretare opa kuaa Tũpa jaikuaashi verã, shara Tũpatei mbyheshaka reta.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Romano 1:32

Ajemaĩ kuamateãre Tũpa heko jyvachekue mbeumateã, opaite kova japo'iare manoñoĩ potarã, ha'ẽã japopeveĩjyrea mbyhaikavi jyvyĩ reta kyrã japo hãndiare.

Romano 2:3

Nde rĩmbivachekariva yngare, kyrãmi rãnga rijapori jyve, mbyryny rijavy. Rĩmoãra katu rỹkañyshi Tũpa ñunupa?

Romano 3:9

Aipota hai kova, Judio retara haikavive ñaĩ yngava retaivi? Mba'ety rãnga! Hai ãĩva rãĩmi, ajemaĩpo Judio ñande maĩrã ha'ẽã, opaiteva rãnga ñaĩmeñaĩ mbai porãmba ñymbaikatu ipe.

Romano 4:15

Shara Moisés mbypara vekua veru jahe pyryreheva japomba; tẽvã Moisés mbypara vekua mba'etyrã mba'etymbapo porãmba'õ.

Romano 5:6

Shara katumba jahajepevape, jy'arape kavi Cristo manomba ñandyre ñandyreko porãmbava.

Romano 5:9

Hãme rãnga ñanymbyhekoa kavimava huvype, hai rupii jahajepeiteveposhi Tũpa jahepyryreheaivi.

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Efesios 5:6

Avy mbava pynymbytavy ñeereivape, kova mbai rehe rãnga verupo Tũpa ñunũpa pohyiteveva opaite ñee hendumbava ĩãrẽ.

Colosenses 3:6

Kova mbai rehe rãnga ou Tũpa ñunupa pohyva ñee hendumbashuare'ĩãrẽ.

2 Tesalonicenses 2:10

hareka heta porãmba vekua rupiipo pyrỹmbytavy jaheahe verãpe shara ñateỹ myvãhẽ reta jyhaihu añeteva hareka kyrã ohojepe verãre.

2 Tesalonicenses 2:6

Hãrã ã'ẽ pikuama mbaivara jocha'ẽshu hokava kuareta heko porãmba'ia, potããteri jy'arape kavi ijeshakarã.