Romano 1:13 - NandevaBiblia

¹³ Shyryvyre, aipota pikuaa jyve hetajy potatẽ aha Romape apyryresha verã, tẽvã mba'etyãjy shochava. Shykyrẽypo aha haityrã aheshakui hykove jyrojavape ñymbyhetava, ẽẽmava rãĩmi Judiomba retaipi.

Romano 1:13 ပူးပေါင်းရင်းမြစ်များ

Juan 12:24

Ãñete hai pee, trigo hãỹ o'ã yvyperã hareka jaiãrã kyrãĩĩ pyta, tẽvã timity ñotyhãrã hareka jairã hẽñorã hetapo'ia.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 4:36

Hãrã ñotyãvã'ia mynovã mẽ'ẽhãshu japova hepykue. Ko ñotyãva'ia myno'õhãvã rãnga hai tykove opambava pevarã, kyrã vyapãvẽĩ verã ñimĩtyva hareka ñotỹava'ia mynovã.

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

Hechos 14:27

Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.

Hechos 15:12

Hãrã opaite ñymbaty õre opa chirĩrĩ reta, jasakahe reta Bernabé hareka Pablo ĩñee, mbeu ñynõĩshu mbaikavi hesha verã Ñanderu Tũpa japo vekua hai reta rupii haimba Judiovare mbyteipi.

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

Hechos 21:19

Pablo marãndushu reta, haivi pepenteĩ mbeushu hai rupii Tũpa japova haimba Judiovare mbytepe.

Hechos 28:14

Haipe heshaha a'ãmo Jesure jyrojavare, hãrã jururejy'ore pytaha hãndi verãre pente semana, haivi ohoha Romape.

Romano 1:12

Jaishu, pepenteĩ ñaĩmykyrẽy verã jyrojakue ñambeu ijuperã.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Romano 7:1

Shyryvyre, aijetape pikuaava Moisés mbypara vekua, pikuããra kuareta hykoveteri'irãmeĩ katu japova?

1 Corintios 1:10

Shyryvyre airurepe, Ñandeja Jesucristo heepe piko verã pente ñeepe hareka avy pijeshatãpi. Kyrãtẽverã, piko pente ñeepe hareka pente pyape.

1 Corintios 10:1

Shyryvyre aipotãã pyndysarehe opaite ñanytynondevare opamba ẽẽ reta ãvãpỹtu'ipe, hareka opaitevamba hasa reta yyvasu pyntava.

1 Corintios 12:1

Shyryvyre, aipota pikuaa mbaikatukue ryheva Espiritu Santo meẽvare.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

1 Corintios 9:2

Yngavare pevarã ha'ẽãshe apostolrã, pee pevarã she hai, pee pyrojava añimiñeerã ambeuva pyheshaka she haiva Ñandeja jy'apostol.

2 Corintios 1:8

Shara shyryvyre, pota pikuaa jyve marãra hasaha'asy Asiape. Jyvarehaite yryreherã, hãĩmeĩ hasahashi, hareka ñymo'ãveãma õhẽhashi verã hokava tykove ryheve.

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

Galatas 3:15

Shyryvyre, apyrỹmymandu'akapohe kuei jehu ñandeva: Pente kuimbai ynga japo hãndi ñee me'ẽãvarã, ñonohẽ hee kuatiaperã, mbaveãmapo mbaiva ñono jypy, japoa verãĩma'ẽ.

Galatas 6:18

Shyryvyre, Ñandeja Jesucristo tiñohẽ pyndyrehe mbai kavikue. Amén.

Filipenses 1:22

Tẽvã, aikoteri ko shyreteperã, katupo amba'apo kaviteri amaĩ kavihe verã heta yngavare, aikuãã marãvara apyhỹrõpo.

Filipenses 4:17

Ha'ẽã rãnga aheka'aijyva ynga me'ẽãreiva; koñeĩ aipota me'ẽãjype hekovia pymeẽ she vekuare.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

1 Tesalonicenses 2:18

Potate ohoha vãhẽhajype, she Pablo hetama potate aha, tẽvã Satanás irijocha.

1 Tesalonicenses 4:13

Shyryvyre, potãã rãnga pypyta pikuambape mbaivara ikoshi manovare, mahẽ pyvy'ãã jyve, mbaimba hãrõ'õre rãĩmi.

2 Tesalonicenses 2:7

Shara ãñete ñemiãpeĩ heko porãmba'ia mymba'apokama'ẽ ñymbaikatukue; koñeĩ hãrõ syryshi verã mbyteivi jocha'õ.

2 Timoteo 4:17

Tẽvã Ñandeja shichere ẽẽ hai, hãrã meẽshe pyrãtakue ambeu verã Ñeekavi hareka kyrã japo opaite haimbaa israelitavare hendu verã. Kyrã Ñandeja shymondojepeshi java jurukueivi.