Romano 1:10 - NandevaBiblia

¹⁰ hareka airure asyñoĩ Tũpape ñono she verã hai potamarã aha apohype verã.

Romano 1:10 ပူးပေါင်းရင်းမြစ်များ

Hechos 18:21

Koñeĩ hei: Aipota rãnga Jerusalenpe ahasakui ko arete ouva. Tẽvã Tũpa heirã aipo apyryreshajykui. Haivi Pablo jupi varkoperã oho Éfesoivi.

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

Hechos 21:14

Katuvẽãma jepyaherã, ijyjokohashi hãrã he'iha: Tiko Ñandeja potava.

Romano 15:29

Hareka aikuaa kavi ãĩ, ãvãhẽpokui pynymbytepe heta mbai kavikue ryheve Cristo ryheva.

1 Corintios 1:1

She Pablo shyrenohãva arykai Jesucristo jy'apostolrã Tũpa kyrã potarã, pente tyryvy Cristo ryheva Sóstenes hãndi apyrỹmarãndu;

1 Corintios 4:19

Tẽvã Cristo heimarã areãpo aha apyryreshakui, haipepo aheshakui ko jyroja'ẽ ijehevare, añetera haire ĩmere Tũpa ñymbaikatukue.

Filipenses 4:6

Avy pejepy'apy maĩnungare, opa pymbeu Ñandejape pimboimarã, pirureshu hareka pymeẽshu pyndyvy'akue.

1 Tesalonicenses 2:18

Potate ohoha vãhẽhajype, she Pablo hetama potate aha, tẽvã Satanás irijocha.

Filemon 1:22

Haivi airurejy nde, apyta verãpe rỹmyhẽva she verã, heshara pee pirureheva ãhãrõ ãĩ, Tũpa meẽpope aha apyryresha verã.

Hebreos 13:19

Airure asype pimboi verã, Tũpa ñonomarã areã ãĩjy penendie verãkui.

Santiago 4:15

Haikavivepo kyrã peveĩ pererã: “Ñandeja potarã, ĩmehaĩteripo'ikoakui hareka japohapo kova, maĩrã hoka'õ”.