Mateo 5:20 - NandevaBiblia

²⁰ She hai pee, pijapo kaviãã fariseore hareka Moisés mbypara vekua pyrỹmboi'ihea hekope kaviva ryhevarã, picheãpokui huvisha vasu vate arapy'õ ẽvãpe.

Mateo 5:20 ပူးပေါင်းရင်းမြစ်များ

Mateo 16:12

Haiperãã kuaakavi reta Jesús ijetããheshu harina mby'ouapya, koñeĩ ijetaheshu fariseo hareka saduceore pyrỹmboiva rãĩmi.

Mateo 18:5

Ĩme'ẽ kuareta shyreepe myvãheva ko sanjay rãĩmi, shee shymyvãhe.

Mateo 3:10

Shara hasha ẽma jasyja verã yvyra jypyre; opaite yvyra ia porãmbava jasyjahapo hareka momboha verã tatape.

Mateo 7:21

Ha'ẽã opaiteva heisheva: “Sheja, Sheja”, iche verã vate arapy huvisha vasurã ẽvãpe, koñeĩ Sheru vate arapy'õ potava japovãĩpo ichekui.

Marcos 10:15

Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.

Marcos 10:25

Javaiãve rãngashi hai kamello hasa verã ju sakuaipi, ikokatuvare pevarã, iche verã Tũpa ẽvãpe.

Lucas 11:44

Tengapope Moisés mbypara vekua pyrỹmboi'iheare hareka fariseore, hova mokue'iare! Pyndy'ova manova ñotyhã vekua heshahambava, kuaretare kuããrã hasañynoĩ'ĩãrẽ.

Lucas 12:1

Haipe kuareta hetava ñymbatyjy, pypỹrõ vasĩ ijehe. Hãma Jesús õñepyrõ ijetashu mboireare: Pĩngareko pijeheshi fariseore imereva harina mby'ouka, hova mokueva ryheva.

Lucas 18:17

Añeteva hai pee, Tũpa jyrojambahea pente sanjay japova rãĩmi, ha'ẽã iche verã Tũpa ẽvãpe.

2 Corintios 3:9

Shara Moisés mbypara vekua ñandukava hĩmbipemba aryka'e, hãrã hĩmbipeitevepo hai kova, meẽ ñande ñimbivacheva ryheva.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.