Mateo 25:34 - NandevaBiblia

³⁴ Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 25:34 ပူးပေါင်းရင်းမြစ်များ

Mateo 13:35

Kyrã hekope kavi iko verã Tũpa ĩñee mbeu'ia mbeu vekua: Aijetaposhu kuaretare ñee ñymyhã'ãnga rupii; ambeuposhu mbai ñemiãpe'õ Tũpa japorãvãi ko yvy'ĩãrẽ'õre.

Mateo 19:29

Hãrã opaite hoo heja vekua hareka tyvyre, hiindyre, tuu, ishy, hyreko, tayre maĩrã jy yvy, shyrehe, hãrã 100 kavipo me'ẽãjyshukui hareka hipitypo tykove opambava.

Mateo 20:23

Jesús heishu reta: Ãñete rãnga pyhasa'asypokui she rãĩmi. Tẽvã pyvapy verã shasu hareka shakata kyty sheeãpo ameẽpe, Sherupo meẽ hokava hai mỹhẽvã'ẽshua retape.

Mateo 21:5

Pereshu Sionpe'õre: “Pymaĩhe, kõõ ou punduruvishavasu mbirikare, mbirikamire, jyrojamba ijeheva”.

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 25:23

Pyrokue'ia heishu: “Haikavite, nde hai jokuehareirea pya kaviva hareka japumbaa; shara rĩngareko kavihe mĩshĩĩ ameẽndeva hãrã hetavepo ameẽjynde, iche vya shendie”.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 27:37

Hãma ñaka'ĩãrẽ ñono reta pente yvyra ipeva mbyparahava heiva: “Kova hai Jesús Judiore juhuvisha”.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 5:19

Hãrã ĩme'ẽ mbijicheva ñee japoa verã hareka mishĩmba japova, kyrã pyrỹmboi'ihea, haipo mishĩveva huvisha vasu vate arapy'õ. Tẽvã Moisés mbypara vekua japo kaviva, hareka pyrỹmboihea, haipo vateve ñonohakui huvisha vasu vate arapy'õpe.

Marcos 10:17

Jesús ohojyma verã, ñani ou pente kuimbai, ĩñesu hỹnonde hareka pyrãndushu: Pyrỹmboi'ia heko kaviva, mbaivarapo ajapo apity verã tykove opambava?

Marcos 10:40

tẽvã pyvapy verã shakata hareka shasu kyty sheeãpo ameẽpe, hokava Sheruĩpo meẽshukui opaite õĩ kavi'õ retape.

Lucas 11:28

Jesús heishu: Vy'apo jyve Tũpa ĩñee hendu hareka japova!

Lucas 11:50

Tũpa jurureposhukui kuaretare ã'ẽvãre, opaite Tũpa ĩñee mbeu'iare jukahava huvy ĩñohẽ vẽkua, ko yvy japoharãvãĩ.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Lucas 19:38

hei reta: Tyma'ẽãkavihe Mburuvisha vasu Ñandeja heepe ouva! Pyavapy tõĩ vate arapy hareka tõmomba'eha vatevevape!

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

Juan 12:13

Hãrã jasyja reta karãnday hoky jyraha hỹvãĩti reta Jesús hareka sapuke jyrerã hei: Yrỹmondojepeve, Ũrũtũpa! Tojehovasa Ñandeja heepe ouva! Tojehovasa Israel juhuvisha vasu!

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Juan 19:15

Tẽvã haire sapuke jyre: Tymano! Tymano! Mbysavava kurusure! Pilato heishu reta: Marãrapo ambysavava punduruvishavasu kurusure? Pai ruvishare heishu: Penteĩ rãnga'ẽ ururuvisha, hokava hai huvishavasu Romape'õ.

Hechos 15:18

Kyrã hei Ñandeja, kova mbai japova kuaaha aryka'eitevaĩ, meẽmava ĩñee.

Hechos 3:26

Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

1 Corintios 15:50

Aipota hai pee, shyryvyre, kova tyro'o hareka turuvy ẽẽãposhukui iche verã Tũpa ẽvãpe; shara opareiiva katuãpo jihia opamba verã.

1 Corintios 2:9

Tẽvã heiva rãĩmi Kuatia mbyparahavape: Tũpa myhẽvãshu opaite haihuvare pevarã, maĩnunga mbavamba heshava, henduva, hareka mbavamba pya mbijetaheva.

1 Corintios 6:9

Pikuããra porãmba japo'iare hipityãpokui Tũpa ẽvãpe'õ ryheva? Avy peii piñymbytavy, Tũpa vapy'õpe icheãpokui kyrãrãĩma'iare,

Galatas 5:21

pyryreshatãã, pirijuka, ka'u, karuraivi, hãrã japojy heta mbai kyrãva. Apyrỹmymandu'akajyhe haimapeva rãĩmi, kyrã'ia icheãpokui Tũpa ẽvãpe.

Efesios 5:5

Pikuaa kavipojy kova: Omendambape iko'ia maĩrã mbai kyava japo'ia, maĩrã kateỹva, haijy ta'ãngareii õmombai'ia; icheãpo Cristo hareka Tũpa ẽvãpe.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

2 Timoteo 2:12

jyhasa'asykue jahasa kuaarã, ñaĩmepo hãndi hai ẽvãpe, ñañomi jareshurã hai ñanomipo jyve,

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 11:16

Tẽvã potañoĩ reta pente tenta haikaviva iko verã retape, jaishu, tenta mashyãva vate arape'õ. Hãme rãnga Tũpa notiã he'iashu verã haire ñu Tũpa, hareka ĩmere pente tenta myhẽvãha'õ haire pevarã.

Hebreos 4:3

Tẽvã ñande jarojava jaichepokui putu'uavape, Tũpa heiva rãĩmi: “Hãmeara shyposhyvape shiñee ameẽpe: Icheãpo retakui atuuvape”. Tẽvã añete Tũpa opa japo opaite japo verã, kova yvy jypyite japorã vekuaivi.

Hebreos 9:26

Kyrãpotarã, Cristo hetajymbapo mano ko yvy jypyite japoharãvãĩ. Tẽvã ha'ẽã kyrãva. Ã'ẽ, ko ara opa oho'iape, penteĩmba ijeshaka hareka opa arape, mbai porãmba opa mambai verã ha'ei ñymeẽ jukaha verã.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

1 Pedro 1:9

shara ĩmemapyre pirojakue pota hipityva, hokava hai ñymondojepe.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Apocalipsis 19:16

Ñyponshore hareka iure mbyparahahe hee: “Mburuvisha vasure Juhuvisha Vasu hareka karaivasure Ija”.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.

Apocalipsis 5:10

Hareka Tũpa pevarã rijapo yryhevi mburuvisha vasu hareka paire, huvisha vasurãre iko yryhevi verã ko yvy'ĩãrẽ”.