Mateo 24:14 - NandevaBiblia

¹⁴ Kova Ñee Kaviva Mburuvisha vasurã vate araivi ouva ryheva, opa rupiipo mbe'uha ko yvy jerekue, opa henta'õre hendu verã. Haiperãpo, vãhẽkui ara opa verã.

Mateo 24:14 ပူးပေါင်းရင်းမြစ်များ

Mateo 10:7

Pekua, hãrã pymbeu: “Huvisha vasu vate arapy'õ vãhẽserima ou”.

Mateo 18:19

She hai jyve pee, mõkue peeva piñiñono pente ñeepe ko yvy'ĩãrẽ, pee pota pirureva ñymboipe, Sheru arapy'õva ẽvãpe meẽpope.

Mateo 24:3

Haivi oho reta ñũũ olivo he'iashuape, Jesús vapy haipe, hareka mboireare ñymboja hai ẽvãpe. Haipe hã'ẽi'õpe pyrãndushu reta: Pota rãnga kuaahave mãrãrapokui vãhẽma reijy verãperã. Mbaivarãnirapo heshahakui vãhẽma hokava arape?

Mateo 24:6

Pyhendupo iko ñyrãrõvasu oparupi, tẽvã avypo pykyje. Kova mbai rãnga ikoñõĩpo, hokava ha'ẽã he'iseva vãhẽmava ara opa verã.

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Mateo 9:35

Jesús vata opaite tentamire'õĩpi, hareka tenta vasu retaipi pyrỹmboihe Ñee kaviva Judiore ñymbatyseape mbeu Mburuvisha vasurã vate araivi ouva ryheva, hareka mynguera ñymbairasyvare.

Marcos 13:10

Shara ndeiteri ara japyrã, mbe'uhañõĩpo Ñee kaviva opa tenta retaipi.

Lucas 2:1

Hokava arape, õhẽ kuatia huvisha Augusto Cesarvi, iko verã opaite kuaretare oho mbyparaka verã hee kuatiape hareka oa vekuape.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Lucas 4:5

Haivi ãña rahajyshu pente yvyturusu'ĩãrẽ, hãrã mbyheshaka sapy'aite opaite tenta huvisharã yvy'iãrẽ'õre.

Hechos 1:2

hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.

Hechos 11:28

Haipe haire mbytepe pente ñymbou Agapo he'iashua, Espiritu Santo rupii mbeu, ou verã ñymbahy vasu opaite yvy ikoava retaipi, hokava iko Claudio huvisha vasurã'ẽ Romaperã.

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

Hechos 17:6

Hãma vahẽamashu reta Pablo hareka Silasrã, mbytyryry raha reta Jason hareka a'ãmo jyrojavare, hãrã raha reta huvishare hỹnonde, sapuke jyre: Ko kuimbaire pyrymangãtumba'iare ko yvy jerekue, ã'ẽ ouma jyve kope,

Hechos 19:27

Kova rãnga porã'ãĩte, shara ñavendeñaĩva katu oparei ñandyhevikui, hareka kyrãĩpo jehujyshukui tũpao opa rupi kuaahava Tũpa Artemisa, hareka opareiiposhi Tũpa taupe hã'ãnga omomba'eava, hai hokava õmombaiva opa Asia jy'yvyipi hareka yvy jerekue.

Hechos 20:25

Aikuaa kavi mba'etypokui peeva Tũpa huvisharã'õpe'õ ryheva ambeushu vekuare, shyreshajy verã.

Romano 10:18

Tẽvã apyrãndu: Ĩmera'ẽ hendumbare Ñee kaviva? Hendu rãnga reta! Shara kuatia Mbyparahavape hei: “Haire ĩñee oparupi henduha ko yvy jerekue, yvy japyapeve vãhẽ haire mbeuva”.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

Hebreos 1:6

Hareka hykuaĩ Tay Tynondeva mbou ko yvype, hei: Tõmombai vasushu opaite Tũpa jokuevare.

Hebreos 2:5

Tũpa rãnga ñonoãmba jokuevare ipope ko yvy py'ahuva ou'ẽ verã, ñande jaijetaheva.

Apocalipsis 14:6

Hareka aheshajy ynga Tũpa jokueva veve'ia ara vate'õ mbyteipi, ĩmereva opa ara Ñee Kaviva mbeu verã ko opaite tenta vasu retape, opaite ñymoñashia retape, opaite tiñeere hareka ñymoñavare hareka ĩñeevare hareka henta'õre.

Apocalipsis 16:14

Kova reta hai espiritu añare ryheva japova heshaha verã, õhẽ mbaty verã opaite yvy'ĩãrẽ'õ mburuvisha vasure Tũpa Opa ñymbaikatuva ñyrãrõ hãndi verã vãhẽma Tũpa pirĩmbivacheka jy'ararã.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.