44 haipe tasore manoã hareka tata ove'ãĩtei.
Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.
Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.
Ũrũpe ipopemare trigo mbova verã, hãrã yngaipo ñonoshi ky'akue, ñono kavipo oo'ipe trigo hãỹ, tẽvã ky'akue hapypo tata ovembape.
Ndepo ndirity mbai porãmbaperã, jasyja; haikavivepo ndepo hyvaishoĩ riche Tũpa ẽvãpe, mahẽ ndepo mokue ryheve rehokui tata vasupe, tata katumba oveape,
Ndepy ndirity mbai porãmbaperã, jasyja; haikavivepo ndepy hyvaishoĩ riche Tũpa ẽvãpe, mahẽ ndepy mokue ryheve nymombohakui tata vasupe, tata katumba mboveavape;
haipe tasore manoã hareka tata ove'ãĩtei.
Haire jaheapohekui opa õñehundi verãpe. Mombohapo mbyry Ñandeja ẽvãivi, hĩmbipekue hareka ñymbaikatukueivi,
haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.
Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.
Hareka heere ñonohãmbaa kuatia tykove ryhevape, momboha reta tata vasupe.
Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.
