Marcos 9:20 - NandevaBiblia

²⁰ Hãrã verushu reta kunumi ray; tẽvã mbaiposhy Jesús heshamarã, hỹnatu opa mbyryry kunumi ray, ity yvyperã japajere'i hareka juru opa mbytyryju.

Marcos 9:20 ပူးပေါင်းရင်းမြစ်များ

Marcos 1:26

Hãma mbaiposhy hỹnatu mbyvava kuimbai, hareka hỹnatu sapukerã õhẽshi.

Marcos 9:18

mãĩpi ĩme'õĩpi mbaiposhy ityshu yvyperã juru mbytyryju, hãĩre opa rorokua ijehe hareka opa myvỹrãkuaseve. Hãma rymboiryreare airurematẽshuje mohẽshi verã, tẽvã haire katuã mohẽ.

Marcos 9:19

Jesús heishu reta: Ko kuareta jyrojambaare! Mbaipeverapo'ãi penendie? Mbaipeverapo aiko pyndyrehe? Perushe kope kunumi ray!

Marcos 9:21

Jesús pyrãndushu kunumi ray tuu: Mbaipevãĩra kova jehushu? Tuu hei: Ndei ryhevevãi rãnga kyrã'i.

Marcos 9:26

Haipe mbaiposhy sapuke, hỹnatu opa mbyryry kunumirã õhẽshi; juka ñonorã manova rãĩmi'ẽ, hãrã heta'ẽ heiva manomava.

Lucas 4:35

Jesús poshy ryheve heishu mbaiposhy: Jasaka, ẽhẽshi ko kuimbai! Haivi mbaiposhy mombo yvype kuimbai, hetavare mbytepe, hãrã õheshi mbaimba japoheape.

Lucas 8:29

Kyrã hei shara Jesús heishu mbaiposhy õhẽshi verã. Hetajy mbaiposhy pysy jyshu, hãrã pyta verã pente hendapẽi, ñapitĩha kadenape ipo hareka ipyre, tẽvã opaĩ myndoso ijuhuvi, hãrã mbaiposhy rahashu yvy ikoambaipi.

Lucas 9:39

pente mbaiposhy ichepy, hareka sapy'ãĩ mbysapukerã, hỹnatu mbyryry hareka juru mbytyryju japo. Hetama jyvavareherãmẽĩ poijyshi

Lucas 9:42

Hãrã kunumi ray ou'ia ryheveĩ, mbaiposhy mombojy yvype hãrã hỹnatu opa mbyryry. Tẽvã Jesús poshy ryheve heishu mbaiposhy, mynguera kunumi ray, haivi meẽjyshu tuu.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.