Marcos 8:38 - NandevaBiblia

³⁸ Ĩme'ẽ mbava shynotivarã hareka Shiñee notiva ko tykove ñarõva hareka mbai porãmba japo'ia hỹnonde, kuareta Tay notipo jyveshukui oujyma Tuu hĩmbipekue ryheverã hareka Tũpa jokueva heko kyambare hãndi.

Marcos 8:38 ပူးပေါင်းရင်းမြစ်များ

Mateo 12:39

Tẽvã Jesús heishu reta: Tykove ñarõva Tũpa haihumba hareka ñee hendumbare jurure ñynoĩ mbai heshaha verã. Mba'ẽãpo heshahaka pee, mbai heshaha verã. Tũpa heshakapo pee Tũpa ĩñee mbeu'ia Jonas rehe japova rãĩmi.

Mateo 13:41

Ko kuareta Tay, mondopokui jokuevare. Haire mbatypo hareka hekyposhi opaite tentavasu ryhevare, mbai porãmba japoka'iare hareka hapisha ity'iare porãmbape.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Mateo 16:4

Tykove ñarõva Tũpa haihumba hareka ñee hendumbare jurure mbai heshaha verã ara vateivi ouva. Mẽ'ẽhãposhu mbai heshaha verã ara vateivi ouva, koñeĩ heshahakapo pee Tũpa ĩñee mbeu'ia Jonas ikohea rãĩmi. Haipe hejashu retarã oho.

Mateo 24:30

Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.

Mateo 25:31

Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Marcos 13:26

Hãrã ijyheshapo kuareta Tay oujy avãpỹntupyrã, mbaikatukue hareka hĩmbipekue ryheve.

Marcos 14:62

Jesús hei: She hai. Pyheshapokui kuareta Tay vapyma'ẽ Tũpa ñymbaikatuva jakata kytyrã hareka oujy ara vateivi ãvãpỹntupyrã.

Marcos 8:37

Mbaivara kuareta katu meẽhe hykove hekovia?

Lucas 19:26

Mburuvisha vasu hei: “She hai pee, ĩmereva ĩãrẽvepo mẽ'ẽhajyshu; tẽvã mba'etyreva, mĩshĩĩ ĩmetereva hekyajyposhi.

Lucas 9:26

Ĩme'ẽ shynõti'ia hareka shiñee, ãnotipo jyvekui, kuareta Tay oujyma hĩmbipevapyrã, Sheru hĩmbipekuepy hareka opaite jokuevare heko kyambare hãndi.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:51

Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Juan 12:34

Hãrã kuaretare heishu: Ore rãnga henduha Moisés mbypara vekua heiva Cristo hykove japymba verã. Marã'ĩrãra rere kuareta Tay hupiha verã kurusure? Akuarã mbavara kuareta Tay?

Juan 5:27

Hãrã Tũpa meẽshu mbaikatu jahe pyryrehe verã, shara hai kuareta Tay.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Galatas 6:14

Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

1 Tesalonicenses 2:19

Shara, mbaivara katu hãrõhã'ẽ, ỹrỹmbyvyava, hareka jyrojahahe verã Ñandeja Jesús oujymarãme? Ambe'uãperã, mba'etypojy yngava.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

2 Timoteo 1:16

Ñandeja tymaĩ kavihe Onesíforo ñymoña hãndiare, shara hetajy shymykyrẽy hareka shynotiã shymbyperesoha'irã,

2 Timoteo 1:8

Hãrã nde Timoteo avy noti rijetahe verã Ñandeja, hareka avy shynoti'i, hai reheĩ shymbyperesoha'i. Tũpa ñymbaikatu rupii shimi'ĩrũhe ahasa'asyvape ko Ñee kaviva rehe.

Hebreos 11:16

Tẽvã potañoĩ reta pente tenta haikaviva iko verã retape, jaishu, tenta mashyãva vate arape'õ. Hãme rãnga Tũpa notiã he'iashu verã haire ñu Tũpa, hareka ĩmere pente tenta myhẽvãha'õ haire pevarã.

Hebreos 11:26

Katynga Moisés hei haikavive jyhasa'asy, Mesías hasa'asy verã rãĩmi, Egiptope vy'atẽ verã iko katukuepe, shara maĩhe Tũpa meẽshu verãre.

Hebreos 13:13

Hãme rãnga ñande ñahẽpo jyve hãndi Jesús hareka ñaĩpo jyve hai rãĩmi jahasa'asy verã.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

1 Juan 2:23

Opaite ñomireva Tyray mba'etyre Teru; hãrã ĩme'ẽ myvãhẽva Tyrayrã, myvãhẽ jyve Teru.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.