Marcos 8:31 - NandevaBiblia

³¹ Jesús õñepyrõ mbeushu mboireare hai kuareta Tay hasa'asyñoĩ verã, heshatambaa verã Judio juhuvishare, pai ruvishare hareka Moisés mbypara vekua pyrỹmboi'iheare. Heijyshu reta hai jukaha verã, tẽvã kuerajypo mbahapy arape.

Marcos 8:31 ပူးပေါင်းရင်းမြစ်များ

Mateo 12:40

Jonas ẽvã rãĩmi mbahapy ara hareka pỹntu, pira vasu hyeperã kyrã jyve, kuareta Tay pytapo mbahapy ara hareka pỹtu, yvy'ipy.

Mateo 21:42

Jesús heishu reta: Pikuããra Tũpa ĩñeepe heirã: Kova ita, oo japo'iare mombo vekua, hoka ĩãrẽ ã'ẽ mupũ'ãhã. Kova hai Ñandeja japova hãrã ore pevarã hai mbai haikaviva.

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Marcos 12:10

Pimbijetããra kuatia Mbyparahavape heiva?: Ita, oo japo'iare mombo vekua, ã'ẽ ikoshi ita oo jypy vapyhe verã,

Lucas 17:25

Tẽvã, tynondepo heta hasa'asy, hareka ã'ẽva kuaretare mymorããpo.

Lucas 24:26

Katuãra Cristo hasa'asyrãni mbai hasyva iche verã hĩmbipeape Tuu ẽvãpe?

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Juan 12:48

Hãrã ĩme'ẽ shiñee mbijicheva hareka japombavarã, ĩmemare jahehe verã. Ñee she hai vekuapo jahehekui ara japyape vãhẽmarã.

Juan 2:19

Jesús heishu reta: Opa pymambai ko tũpao, mbahapy arapepo ãmupũãjykui.

Hechos 7:35

Ajemaĩ haire japoãshu Moisés heiva, hãrã heishu reta: “Mbavara niñono rĩngareko yryrehe verã hareka mburuvisharã?”, Tũpa mboushu mburuvisharã hareka mbaivape hejareii verã, Tũpa jokueva rupii yvyra õpe ijeshakashurã.

1 Corintios 15:4

hai ñotỹha hareka kuerajy mbahapy arape, Mbyparaha vekuape heiva rãĩmi.