Marcos 6:41 - NandevaBiblia

⁴¹ Haivi Jesús heky pandepo'ia pãhã hareka mokue'ia pira, maĩ ararerã ñymboi, pyseã pãhãrã haivi meẽshu mboireare mẽmeẽ hupi verã kuaretare; kyrãĩ japojy mokue'õ pira opaiteva pevãrã.

Marcos 6:41 ပူးပေါင်းရင်းမြစ်များ

Mateo 14:19

Opa mbyvapyka reta kapi'atarerã, haipe heky pandepo pãhã hareka mokue pira, maĩ vaterã jurureshu Tũpa ohovasa verã. Hãrã pyseã pãhãrã meẽshu mboirea retape, meẽ verã opavape.

Mateo 15:36

hãrã heky 7 pãhã hareka pira, jurure Tũpa ohovasa verã. Haivi pysẽã meẽ mboirea retape, haire memẽeshu opavape.

Mateo 26:26

Karumapo ñynoĩ retarã, Jesús heky pãhã, haivi ohovasa; pysẽãmarã meẽshu mboireare hãrã heishu: Peu, kova hai shyrete.

Marcos 14:22

Karuma ñynoĩrã, Jesús pãhã hekyrã ohovasa, pyseã meẽshu retarã hei: Pe'u, kova hai shyrete.

Marcos 6:40

Hãma vapyma jyraharã ĩme'ẽ 100 jatyva, ĩrũpe ñymbaty jyve 50, kyrã ñymbaty jyraha.

Marcos 6:42

Opaiteva kuaretare karu hareka opa hỹvãta reta.

Marcos 7:34

haivi Jesús vate maĩrã putuẽ mondorã hei: “Efata!” (he'iseva: “Jype'a!”)

Marcos 8:19

ãmbijaorã vẽkua 5 pãhã 5.000 kuimbai ẽvã retape? Mbovy kanatara pymynyhẽjy hemby vekua? Haire hei: 12 kanata.

Lucas 24:30

Vapyma ñynoĩ hãndi mesaperã, heky pãhã, ohovasarã pysẽã meẽshu reta.

Lucas 9:16

Hãma Jesús heky pãhã 5 ia hareka mokue pira, hãrã vate ararerã mãirã, ohovasa, pysẽãra mẽshu mboireare, mẽmeẽshu verã kuaretare.

Juan 11:41

Hãrã mbysyry reta ita vasu mbotyhapya. Jesús vate maĩrã hei: Sheru, gracia ameẽnde shara nde shyrẽndu.

Juan 17:1

Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.

Juan 6:11

Jesús pãhã hekyrã ñymboi'ĩãrẽ, meẽshu mboirea retarã mẽmeẽshu kuaretare vapy'ovare. Kyrãi japojy pira, mẽmeẽshu haire pota houva rãĩmi.

Juan 6:23

Tẽvã ĩme'ẽjy yngava kanoare vãhẽ ouva tenta Tiberiaivi, pãhã hou jyre vekuape hyvache hareka Ñandeja ñymboi ĩãrẽrã.

Hechos 27:35

Pablo kova mbai heirã, pysy pãhãrã jurure'ĩãrẽ opavare hỹnonde. Haivi pyseãrã hou.

Romano 14:6

Hãrã pente ara mbyveteveva ĩrũ araivi, kyrã japo Ñandeja pevarã. Hãma opava hou'iare japo jyve Ñandeja pevarã, shara meẽ jyveshu Tũpa jy'ajetekue; kyraĩ jyve maĩnunga houmbare japo Ñandeja pevarã shara meẽ jyveshu Tũpa jy'ajetekue.

1 Corintios 10:31

Pykarurã, maĩrã pimbyurã, maĩrã mbai pijapovare, pijapo pemombaivasu verã Tũpa.

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.