Marcos 4:24 - NandevaBiblia

²⁴ Hãrã heijyshu reta: Pijasaka kavihe ko pyhendu pẽĩvare, papisha pijapova rãĩmi katĩĩpo, Tũpa pory jyve pyrehe; hãrã mi ĩrũhãvepojy pekui ko pyhenduvaivi.

Marcos 4:24 ပူးပေါင်းရင်းမြစ်များ

Mateo 7:2

Papisha mbai porãmba pijapoheva rãĩmipo; Tũpa japo jyve pyndyrehekui.

Marcos 9:7

Haipe sapy'ãĩ vejy ĩãrẽ ãvãpỹntu, opa jasoi reta. Hãrã ãvãpyntuivi ñyhendu ñee heiva: Kova hai Shyray ahaihuva, pijaposhu heiva.

Lucas 8:18

Hãrã pyhendu kavipo kova: Ko imẽrea mẽ'ẽhave poshu hetavere verã, tẽvã mba'ety reva mishi imẽte rea mikue opapo hekyajy shi.

Juan 10:16

Ĩmeĩ'are jyve ynga avishare haimba kova korape'õre, hokavare opapo arujyvekui. Hãrã haire japo verã jyve shiñee. Hãrã ẽpo pente jatyvapẽĩ, hareka penteĩpo'ẽ ñyngarekoheva.

Juan 10:27

Shy'avishare kuaa shiñee, hareka she aikuaashu reta, hãrã haire ou shaykue.

Juan 5:25

Ãñeteĩte hai pee, ouma ara hareka ã'ẽvãĩpo, manovare hẽndukui Tũpa Tay ĩñee hareka hẽndushua kuerajypokui.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

2 Corintios 9:6

Pynymanduahe kova: Hetambaa ma'ẽtyva, hetããpo mynoo. Heta ma'ẽtyva, hetapo mynoo.

Hebreos 2:1

Hãme rãnga jajasaka kaviñoĩpohe ñee ñahendu vekuare, ñahẽmbashi verã tape Tũpa mbishaka ñandeva.

1 Pedro 2:2

Pyheka kamby kyambava sanjayre hãĩrãã oava rãĩmi, kyrãpo pyheka ñee añeteĩteva Tũpaivi, kyrãrãpo pykuakua peho hareka pehojepekui.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.