Marcos 16:14 - NandevaBiblia

¹⁴ Koñymaheape Jesús ijeshakajy 11 mboirea retape, haire vapy ñynoĩ mesaperã. Ñyngãtashu reta jyrojãã hareka pya tãtãite retarã, shara rojãã reta kuerajya heshavare mbeute jyrerã.

Marcos 16:14 ပူးပေါင်းရင်းမြစ်များ

Mateo 11:20

Haipe Jesús õñepyrõ pya ohoãhe tentare, hetave mbaikavi heshaha verã japovape. Shara haipe'õre mbai porãmba japo vekua ñatẽy heja reta. Hãrã Jesús heishu reta:

Mateo 17:20

Jesús heishu reta: Sa'ite pirojarã. Ãñete hai pee, pirojakue mbairãỹ mishĩva rãĩmirã, pereposhu yvyturusu: “Syry koivi, ãupe syryjy”, japoĩpo jyvepe. Opa mba'e katu pijapo.

Mateo 28:17

Heshama retarã ĩñesu hỹnonde, ĩmetẽ'õ rojambavare.

Marcos 7:18

Hai heishu reta: Peeavera pikuãã kova? Pikuããmba mba'ety maĩnunga kuareta houva myngyashu verãrãme?

Lucas 24:11

Tẽvã mbo'eare vekuare rojãã reta haire mbeuva, shara hãĩny heheitẽ'iare.

Lucas 24:25

Hãma Jesús heishu reta: Pee mbaimba pikuaava! Marã'ĩrãra pyndypya tantaĩte pyroja verã Tũpa ĩñee mbeu'iare hei vekua?

Juan 20:25

Haivi mbo'eharea ĩrũre heishu Tomas: Ore heshahaje Ñandeja! Tẽvã Tomas hei: Aheshãã koravo kuarekue iporerã, hareka aminjeã shepo kuarekueperã, hareka aminjeã shepo jiche kutuha vekuaperã, arojãã'ãĩteipo.

Juan 20:26

Hãrã 8 ara jyape, Jesús mboireare hykuãĩ ñymbaty py'aujy pente oope, haipe Tomas ñynõĩma jyve hãndi reta. Õche opate mbotya kaviva, Jesús ou haire mbytepe, marãndushurã hei: Pyndypya kaviteño!

Juan 20:27

Jesús heishu Tomas: Minje ndepo inti kope koravo kuarekuepe, hãrã mãĩ shepore, hareka minje ndepo shiche kutuha vekuape. Ỹteñomapo mbai ryrojãã iko, ryroja rãngapo!

Juan 21:1

Kova mbaijyrã, Jesús hykuãĩ ijeshakajyshu mboireare yyvasu Tiberia hymbeype. Kyrã japo:

Juan 21:14

Kova hai mbahapyhea Jesús ijeshakajyshua mboireare, kuerajy manovare mbyteivirã.

Hechos 1:3

Manorã hareka kuerajymarã, Jesús ijeshakajyshu reta, heshaka kavi verã hai kuerajymava manovare mbyteivi, 40 ara kavi ikojy hãndi reta, ijetaheshu reta Tũpa vapyape ryheva ara vate'õpe.

1 Corintios 15:5

Hareka ijeshakashu Pedro, haivi 12 apostol retape.

Apocalipsis 3:19

She rãnga ãĩngãtashu hareka anupa opaite ahaihuvare. Hãrã ñymykyrẽy hareka eijy Tũpa jykoty.