Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Marcos 14:18 - NandevaBiblia

18 Haipe mesape karuma ñynoĩrã Jesús heishu reta: Ãñeteĩte hai pee, pente pynymbytepe'õ, akaru'ãĩ hãndiva shymeẽpokui.

အခန်းကိုကြည့်ပါ။ ကော်ပီ




Marcos 14:18
36 ပူးပေါင်းရင်းမြစ်များ  

Hãrã ocena ñynõĩrã Jesús heishu reta: Ãñete hai pee, pente peeva shymeẽpokui.


Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.


Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.


Hãrã rymbory ikotẽvẽvarã, avy mbeu'i oparupi. Japosea rãĩmi hova mokue'iare Judiore ñymbatyseape hareka vataha'õ retaipi; haire kyrã japo ijetaha kavihe verãre. She haima pee kyrã haire opama mbyhekoviashu reta.


Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.


Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.


Jesús heishu: Añeteĩteva hai pee, ĩme'ẽ shyrehevape hareka Ñee kaviva rehe hejava hoo, tyvy, hiindy, tuu, ishy, hyreko, tayre maĩrã jy'yvy.


Pỹntuma'irã, Jesús hareka mboirea 12 iare vãhẽ oho hãndi haipe.


Haire õñepyrũ mbyvy'ã, hãrã pepenteĩ pyrãndushu reta: Sherapokui?


Ãñeteĩte hai pee, hauveamapokui ko uva tyy, haujypeve hoka arape vino py'ahuva Tũpa ẽvãpe.


Ãñeteĩte hai pee, mamãĩpi ko yvy jerekue mbe'uhavaipi ko Ñee kaviva, mbe'uhapo jyve ko taupe japova.


Añeteĩteva hai pee, Tũpa hejareiiposhu kuimbaire mbai porãmba japo vekua hareka ijeta porãmba'iheare.


Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.


Jesús putuhẽ mondorã hei: Marã'ĩrãra kova kuaretare jurure mbai heshaha verã? Añeteĩteva hai, me'ẽhãpope pota pyheshava.


Jesús heijyshu reta: Añeteĩteva hai pee, ĩme'ẽ kopepẽivã manomba verãre, ndeiteri hesha Tũpa ẽvãpe'õ ryheva ou ñymbaikatukue ryheverã.


Ĩme'ẽ yyintẽ meẽpeva Cristo ryhevaperã, ãñete hai pee Tũpa meẽñõĩposhukui hekovia.


Hãma Abel huvykueivive Zacarías huvykuepeve, jukaha vekua altar hareka tũpao pãũpe. Ãñete hai pee, opaiteva jaheapo pyndyrehekui hokava rehe.


Tẽvã shymeẽ verã, kope vapy'ẽjyve shendie mesape.


Jesús heijy: Ãñete hai pee, mba'etypo Tũpa ĩñee mbeu'ia haihuhava hentaipi.


Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.


Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.


Kova opa heirã, Jesús ñandu pyape vyambavarã hei: Ãñete hai pee, pente pynymbyte'õpo shypysykakui.


Haipe mboireare opa mãĩ ijehe, shara kuãã reta mbavara Jesús hei'ẽhe.


Jesús heishu: Ãñeteratẽ nde rẽĩ rỹmano shendie verã? Ãñeteĩte hainde, ndeiteri uru ñeerã, mbahapyjypo rerekui shykuambava.


Añetevape hai nde, arykai nukunumi terirã, rẽĩ kavirã pota rehova kyty reho, tẽvã rykuakuamarã rỹmysymyĩpo ndijyva, hãrã yngava retapo nimimonderã ndyrahakui natẽỹ rehova kyty.


Ãñeteĩte hai nde, ore mbe'uha kuaahava, hareka kuaahakape ore hashahava; tẽvã pee pyrojãã mbe'uhapea.


Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.


Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.


Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.


Jesús heishu reta: Añeteĩteva hai pee, shyrekapi shara opa pynyvãta apyrỹmyngarurã, ha'ẽã pikuama mbaivara he'ise hoka mbaikavi heshaha verã ajapo vekuarã.


Jesús heishu reta: Ãñeteĩte haijype, ha'ẽã rãnga Moisés meẽpeva pãhã vate araivi ouva. Sheruteiva rãnga meẽpe pãhã añeteva vate arapy'õ!


Ãñete hai pee, jyroja shyreheva ĩmemare tykove opamba verã.


Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ