Marcos 13:9 - NandevaBiblia

⁹ Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Marcos 13:9 ပူးပေါင်းရင်းမြစ်များ

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Marcos 1:44

Avytei mbeukui mbavape; ekuaĩ ijeshakashu pai, hareka meẽ rỹmeẽ verã Moisés mbypara vekua heiva rãĩmi, heshaha ndyrehe verã rykueramava.

Marcos 13:5

Jesús õñepyrõ heishu reta: Pymãĩ kavi avy mbava pynymbytavykui.

Marcos 13:8

Hãma tentavasure hareka mburuvishavasure opapo pũã ijehe; oparupipo iko yvy ryry, hareka õĩpojy ñymbahy; kova hai jyhasa'asy tynonde'õre.

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Lucas 9:5

Hãma ĩme'ẽ potamba pymyvãhẽvarã, pẽhẽ hoka tentaivi hareka pymytymoshi pepy ryheva yvy tĩmbo, mbe'uha verãre hẽndusembava Tũpa ĩñee.

Juan 15:20

Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.

Juan 16:2

Pymohẽãpokui Judiore ñymbatyseavi, hareka vãhẽpo ara mbava pindijukamarã, mõate haikaviva japova Tũpa pevarã.

Hechos 21:11

ou yryresha hãrã heky Pablo kuaipi jokuapyarã hareka ipy, ipo opa jokuarã hei: Espiritu Santo hei kyrãpo pokuahakui Jerusalenpe Judiore, kova tukuaipi jokuahapya ija hareka ñonoãpo haimba Judiore ipope.

Hechos 7:54

Hãrã kova mbai hendu retarã, poshy jyre hareka hãĩ opa mbi'ipu reta.

Hechos 9:16

She ambyheshakapo heta hasa'asy verã shyreepe jyrojarã.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

2 Tesalonicenses 1:5

Kova heshaka Tũpa hekopekavi pirĩmbivachekava, hãrã hai hẽno icheñoĩ verã huvisharã'õpe, ã'ẽ hai rehe hasa'asyñynoĩ.

2 Juan 1:8

Pingareko pindijeheshi reta avypo õñehundirei pyndyhevikui pijapova hepykue, mahẽ opakaviã mbyhepyapekui.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 2:13

She rãnga aikuaa Satanás vapyape rikorirã. Hareka ndysareã shyrehe, rirojañoĩ shyrehe, ara Antipas añeteĩte shyreshava jukaha pynymbyteperã, Satanás ikovape.