Marcos 13:13 - NandevaBiblia

¹³ Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Marcos 13:13 ပူးပေါင်းရင်းမြစ်များ

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 24:13

Tẽvã tãtangatu ẽẽva japypeve, ohojepepokui.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Marcos 13:12

Hãma ĩmepo'ẽ meẽva tyvy jukaha verã, terure meẽpo tayre; hareka tyrayre ñymbyvaishopohe tuu hareka jukapo.

Lucas 21:17

Opaite yvy jerekueipi pyndyreshatããpo shimimboiperã rehe.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Juan 15:21

Opaite kova mbai japoñoĩpo pyndyrehe reta she rehe, shara kuãã reta shymbou vekua.

Juan 17:14

She rãnga ambeushu reta niñee, hãrã kuareta yvy'ĩãrẽ'õ jyrojamba ndyrehevare mymorãã reta, shara haire ha'ẽã ko yvy'ĩãrẽ'õre, she rãĩmi ha'ẽã jyve reta ko yvy'ĩãrẽ'õ.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Galatas 6:9

Hãrã avy ñanykangy jajapo verã mbai haikaviva; hãrã ñanate'ỹãrã vãhẽpokui ara ñamynoõ verãpe.

Hebreos 10:39

Tẽvã ñande ha'eã haykue kytyĩ ohojya hareka oho'ia jaheahe verã kyty, koñeĩ hai ñande japity verã tykove opamba ryheva Tũpa jairojaherã.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

1 Juan 3:13

Shyryvyre, avy hãĩrã pyheshava rãĩmipi kuaretare ko yvy ĩãrẽ'õre pyndyreshatããrã.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.