Marcos 11:14 - NandevaBiblia

¹⁴ Haipe Jesús heishu igo jypy: Atẽñoĩtemaĩ mbava toukui ndi'ia! Mboireare hendu hokava.

Marcos 11:14 ပူးပေါင်းရင်းမြစ်များ

Mateo 21:19

Hãrã hesha pente igo jypy pe hỹmbeype'õ, ñymbojaherã mba'ẽã heshapy; koñeĩ hokykuerei. Haipe Jesús heishu igo jypy: Ynteñomapo ndi'iakui! Haipevãĩ igo jypy opa jipi.

Mateo 21:33

Pyhendu jyve ko ñee ñymyhã'ãnga: Pente kuimbai ñotyka uva jy'yvype; opama mangorarã, japokajyshu uva ñamĩã verãpe. Mupũãjy pente oo vate'õ, haipe ẽẽ verã mãĩ'õ hareka ñyngarekohe verã jy'yvy. Haivi porykashu ju'uva rẽnda hepyre ñimĩty'ia retaperã, mbyry oho.

Mateo 21:44

Tẽvã ĩme'ẽ ita oahearã opapo my'õpe, ĩme'ẽ oava ita ĩãrẽrã opapo mungui.

Mateo 3:10

Shara hasha ẽma jasyja verã yvyra jypyre; opaite yvyra ia porãmbava jasyjahapo hareka momboha verã tatape.

Mateo 7:19

Hãrã opaiteva yvyra ia porãmbava, jasyjaha hareka momboha tatape.

Marcos 11:13

Mbyryivi hesha pente igo jypy hoky'õ, hãrã oho maĩhe i'ãra'ẽ. Vãhẽma ohoshurã mba'ẽã heshapy, hokykuereii, shara nde'iave jy'ararã.

Marcos 11:15

Hãma vãhẽjyraha Jerusalenpe, Jesús iche tũpaope, hãrã opa mohẽ tũpao hapype mba'ova hareka mavende'õre. Opa mbijaparashi kyrypoti okambia'õre ñymesare hareka pykasu õvẽnde'õre vapyhea.

Juan 15:6

Hãrã ẽmba shyreheva, mombohapo hãka jipiva rãĩmi, mbatyha momboha verã tatape.

2 Pedro 2:20

Shara kuaashuvare Ñandeja hareka Pyrỹmondojepe'ia Jesucristo, katuveãmapo iko mbai porãmba japo'iare rãĩmi ko yvy'ĩãrẽ'õ; tẽvã hokava mbaipe jypokuarã hareka hykuaĩ mbai porãmbape ẽẽjyrã, porã'ãĩtevepo pyta jypyite õñepyrõ vekuaivi.

Apocalipsis 22:11

Ma'ẽĩhe heko kavimba tijapoĩti hekopemba'õ; hareka ñakape mbai kya ĩmerea, tijapoĩti mbai kyava. Mbaikavivaĩ japo'ia, ma'ẽĩhe tijapoĩti; hareka heko kyamba, tijapoĩti mbai heko kyamba”.