Marcos 10:33 - NandevaBiblia

³³ Jaha rãnga jai Jerusalen kyty, haipe kuareta Tay ñonoãpokui pai ruvisha, hareka Moisés mbypara vekua pyrỹmboi'iheare ipope, haire jururepokui jukaha verã, hareka meẽpojyshukui kuareta tenta yngaivi ouva retape.

Marcos 10:33 ပူးပေါင်းရင်းမြစ်များ

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Mateo 26:66

Mãrãra pere jyve? Hãrã haire hei: Ĩmere mbai porãmba japo vekua, hãrã manopo.

Mateo 27:2

Haivi ipo pokuaha ryheve rahashu retarã meẽ reta Poncio Pilatope, huvishavasu mbory'õre ipope.

Marcos 14:64

Pyhenduma rãnga ijeta põrãhe Tũpa; Marãra pereshu? Hãma opaiteva heihe reta japova porãmba hareka ẽẽshu mano verã.

Marcos 15:1

Hãma kõĩmarã, ñymbaty ijeta reta pai ruvishare, Moisés mbypara vekua pyrỹmboi'iheare, Judio juhuvishare, hareka opaite pirĩmbivacheka'iare. Haivi raha reta Jesús opa popokuahavape hareka ñono reta Pilato ipope.

Marcos 8:31

Jesús õñepyrõ mbeushu mboireare hai kuareta Tay hasa'asyñoĩ verã, heshatambaa verã Judio juhuvishare, pai ruvishare hareka Moisés mbypara vekua pyrỹmboi'iheare. Heijyshu reta hai jukaha verã, tẽvã kuerajypo mbahapy arape.

Marcos 9:12

Jesús heishu reta: Ãñete rãnga, Elías rãnipo ou opa mbai ñono kavi verã. Hãmera marã'ĩrã kyrã heijy Tũpa ĩñee, kuareta Tay hasa'asy verã hareka mymorãhamba verã?

Marcos 9:31

shara mboi'ẽ mboireare. Heishu reta: Ko kuareta Tay ñonoãpokui kuaretare ipope, haire jukapokui, tẽvã mbahapy arapepo kuerajykui.

Lucas 23:21

Tẽvã haire hỹnatuve sapukerã hei: Mbysavava kurusure! Mbysavava kurusure!

Lucas 9:22

Hãrã heishu reta: “Kuareta Tay hetapo hasa'asykui”, mbijicheposhu karai kuakuavare, pai ruvishare hareka Moisés mbypara vekua pyrỹmboi'iheare. Hãma jukapo retakui, tẽvã mbahapy arapepo kuerajykui.

Juan 18:28

Haivi pai juhuvishare raha Jesús Caifas hentaivi huvishavasu Romava hentape. Kõĩmapotarã Judiore icheã, shara icherã ñymyngyapo reta mbyparahava japoa verã heiva rãĩmi; haire kyrã japo retarã katuãpo hou reta jykaru Pascua ryheva.

Juan 18:32

Kyrã iko Jesús hei vekua marãrapo hai manokui.

Juan 19:11

Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Hechos 13:27

Jerusalenva hareka juhuvishare kuããshu Jesús, hareka kuãajy Tũpa ĩñee mbeu'iare ĩñe'ẽkue mbijetava Judiore ñymbatyseape putu'uhava arape. Hãrã hai retatei ñonovaimashu Jesús, japohe reta ñĩmĩñee'iare jykuatiape ẽvekuarã.

Hechos 20:22

Ã'ẽ ahapo Jerusalenpe, shara Espiritu Santo kyrã heisherã, aikuamba'ãĩva mbaivara shy'ãrõ'ẽ haipe.

Santiago 5:6

Pee rãnga pijahehe hareka pijukareii kuareta heko kavivare, katumba haire ñykatẽỹva.