Marcos 10:14 - NandevaBiblia

¹⁴ Jesús hesha hokavarã poshype heishu reta: Pyma'ẽĩhe sanjayre tou shyrẽndape, avy pijocha; shara haire rãĩmivã retaĩpo ichekui Tũpa ẽvãpe.

Marcos 10:14 ပူးပေါင်းရင်းမြစ်များ

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Mateo 18:4

Ko sanjay rãĩmi ñimimishĩva, hokavapo mbai vasuve huvisha vasu vate arapy'õpe.

Mateo 19:14

tẽvã Jesús hei: Pyma'ẽĩhe sanjayre tou shyvache hareka avy pijocha, shara haire rãĩmiva Mburuvisha vasurã vate araivi ouva.

Mateo 5:10

Vy'apo reta hasa'asyva, mbai hekope kavi japo'irã, shara haire ña'ãpova huvisha vasu vate arapy'õ ryheva.

Mateo 5:3

Vy'apo reta je'espiritupe pavete'ia, shara haire pevãrã hai huvisha vasu vate arapy'õ.

Marcos 3:5

Haipe Jesús poshy ryheve mãĩ jurirã mbyvy'ã pya tãntaĩte retarã, hãma heishu hoka kuimbai: Mysymyĩ ndepo. Ko kuimbai ipo mysymyĩrã, kuera.

Marcos 8:33

Tẽvã Jesús jerepyrã, maĩ jykoty mboirea retarã poshy ryheve hei Pedrope: Syry shyhevi Satanás! Rikuãã nde Tũpa pya mbijetava rãĩmi, koñeĩ kuareta pya mbijetava rãĩmi.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Hechos 2:39

Ko ñee me'ẽãva rãnga, pee hareka pyndyrayre pevarã, jaishu opaite Teja ñanu Tũpa hee hẽno'iare pevarã jyve.

Hechos 3:25

Pee pevarã rãnga ko ñee Tũpa ĩñee mbeu'iare rupii Tũpa meẽva, hareka pee pevarãĩjy ñee me'ẽãva Tũpa japo vekua pynytynondevare hãndi. Shara Tũpa heimbashu Abraham: “Ndyrayre rupiipo she ahovasa opaite tenta yvy'ĩãrẽ'iare”.

Romano 11:16

Shara tynonde muhũ'ũãva pãhã Tũpa me'ẽãshua ky'arã, ky'ã jyve muhũ'ũãva hembyva, hareka jypy ky'ãrã, hãkare ky'ã jyve.

Romano 11:28

Hãma Ñee kaviva rehe, Tũpa japohe Judiore hai hyvaishorã rãĩmi; tẽvã Tũpa haihushu reta hãĩrã pyhyrõrã vekua ñytynondeva retape hai ryhevare japo verã.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

1 Corintios 7:14

Shara teme Jesús jyrojambahea hyreko rupii kyaveãma, hareka tyreko Jesús jyrojambaheva teme rupii kyaveãma. Kyrããrã pindijapore kyava ryheva retambapo; tẽvã ã'ẽ kyaveãma reta.

Efesios 4:26

Pee pyndyposhyrã, avy mbai porãmba pijapo; hareka avy tiche jepe pyndyhevi kuarasy, pypoi pyndyposhy verã.

2 Timoteo 1:5

Shymanduahe marãra añeteĩte riroja, tynonde ĩmere vekua ndijary Loida hareka ndesy Eunice. Aikuaakavi nde kyraĩ rirojajy verã.

2 Timoteo 3:15

Manduahe nyndei ryheve rikuaa Tũpa ĩñee, nymboi verã hareka ndyraha verã ñymondojepeva kyty Jesucristo rirojaherã.

1 Pedro 2:2

Pyheka kamby kyambava sanjayre hãĩrãã oava rãĩmi, kyrãpo pyheka ñee añeteĩteva Tũpaivi, kyrãrãpo pykuakua peho hareka pehojepekui.

Apocalipsis 14:5

Hareka jurupe vãhẽhããshu japu shara haire ky'ããmba Tũpa jyvapyka hỹnonde.