23 Hãma ĩme'ẽ Judiore ñymbatyseape pente kuimbai mbaiposhy ĩmerea sapuke'irã hei:
Pente mbaiposhy õhe ĩmerãeaivi, oho iko yvy tiniaipi heka putu'u verãpe. Vãhẽashurã hei:
Hãrã kuaretare mbyry opa mymãĩ reta hai pyrỹmboiheva, shara mboishu reta mbaikatu ryheve, hareka Moisés mbypara vekua pyrỹmboi'iheare rãĩmiã pyrỹmboi hai.
“Mbaivara ripota yryhevi, Jesús Nasareno? Reira opa irijuka verã? She arykuaa mbavara nde, nde hai Tũpa mbouva, heko Kyamba!”
Õhẽjy Judiore ñymbatyseaivirã Jesús oho Simón hareka Andres hentape, hãndi Jacobo hareka Juan.
Haipe Jesús heta mynguera opaĩ marãrãngãtu ñymbairasy vekua, hareka mbaiposhy ĩmereare opa mohẽshi, Jesús me'ẽãshu mbaiposhy ijeta verã, shara haire kuaa mbavara hai.
Kyrã Jesús vata'i opaite Galileaipi, ñimiñee'i Judiore ñymbatyseape hareka mohẽ mbaiposhyre.
Jesús vejyĩ kanoaivi, ou hỹvãĩti tã'õvere õĩvi pente kuimbai mbaiposhy ichepya,
pente taupe memby kuña mbaiposhy ĩmerea, hendu Jesús he'iahevarã, ou ĩñesu hỹnonde.
Jesús heshama heta kuaretare jatyherã, poshy ryheve heishu mbaiposhy: Nde, mbaiposhy ña'ẽnguva hareka japysamba, she hai nde ẽhẽshi kova kunumi ray, hareka ỹtẽñoma ichepykui!