Judas 1:3 - NandevaBiblia

³ Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,

Judas 1:3 ပူးပေါင်းရင်းမြစ်များ

Hechos 17:3

Mbeu kavishu reta Cristo manoñoĩ verãmba hareka kuerajyñoĩ verã. Heishu reta ko hai Jesús she ãmbeu'ãĩpea, haiñoĩ Mesia.

Hechos 18:28

shara heshaka opaite Judiore hỹnonde haire javyvape, mbyheshaka kavi reta Mbyparahava rupii Jesús haiva Mesia.

Hechos 20:27

shara opama ambeupe Tũpa potava, mbaimba añomivape.

Hechos 28:28

Pikuaa kavipo ko Tũpa pyrỹmondojepeva mbe'uhama haimba Judio retape, hãrã haire hendu kavipo kova ñee!

Hechos 4:12

Mba'etyhe mbava ko ojepeva ryheva, shara Ñandeja yngava tyree me'ẽã ñande ko yvy'ĩãrẽ, ñanymondo jepe verã.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Hechos 9:13

Hãrã Ananías hei: Karai, heta mbai ahenduhe kova kuimbai, hareka heta mbai porãmbava japo'iheva heko kyamba Jerusalenpe.

Hechos 9:22

Tẽvã Saulo ñymypyrãta jyvyĩ ijeta Espiritu Santo ñymbai katupy mbeu Jesús haiva Mesia, tẽvã Judiore Damascope'õre kuaakaviã reta.

1 Corintios 15:3

Shara tynonde ãmbeupe, sheteiva me'ẽãshe vekua, hokava hai Cristo mano mbai porãmba jajapo vekua rehe, Mbyparaha vekua heiva rãĩmi,

Galatas 2:5

Tẽvã õĩhãã haire pyrỹmboivape sapy'aiteimbaa, shara potañoĩ Ñee kavi añeteva ẽẽ yrypyape.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Galatas 6:11

Pymaĩhe kova marãra shepopetei ko ñee marẽrẽỹ ambypara ãĩpe kuatiape.

Efesios 1:1

She hai Pablo, Jesucristo apostol Tũpa potava rupii, amarãndu opaite heko kyamba hareka hekope kavi Cristo jyrojahea Éfesope'õre.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Colosenses 1:2

ambyparape ko kuatia shyryvyre Colosape'õre, Tũpa ña'ãpova pyhỹrõvare heko kyamba. Tũpa tiñono pyrehe mbai kavikue hareka tymeẽpe pyavapy.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

1 Timoteo 1:18

Nde Timoteo, shyray, aheja nde kova rijapo verã iko verã he'ia ndyrehe vekua rãĩmi Tũpa heepe, hekope kavi rĩrãrõhe verã, rirojakuepe hareka pya kyamba ryheve,

1 Timoteo 6:12

Ñyrãrõ kavi rirojakuepy; ñimbi'ijahe tykove opamba verã, ha'erã rãnga Tũpa nyrẽnomba aryka'e hareka hetavare hỹnonde rỹmbeu rirojava Tũpare.

2 Timoteo 1:13

Rehoĩpohe kyrã, pyrymbo'eaheva haikavivape, arỹmboiheva rãĩmi, jyrojakuepe hareka jyhaihukuepe ĩmejareva Jesucristo rupii.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

Hebreos 13:22

Shyryvyre, airurepe pyhendu verã ñyhãrõkuaa ryheve kova ñee ñymykyrẽyva ryheva mishĩĩ ambyparapeva.

Hebreos 6:9

Shyryvyre ahaihuva, kyrãte ijetahava, kuaaha kavi pee pimepeĩva tape haikavivevape, jaishu ñymondojepeva hapepe.

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

2 Pedro 2:21

Haikavivete verã haire kuãã tape symyĩva hareka mahẽ kuama retarã syryshi ñee japoa verã kyambava me'ẽãshu vekuare.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Judas 1:17

Tẽvã pee, shyryvyre ahaihuva, pynymanduahe ñee Ñandeja Jesucristo jy Apostolre mbeupe vekua.

Judas 1:20

Tẽvã pee shyryvyre ahaihuva, piñymypyrãtakatu pirojakue kyamba ĩãrẽ hareka pirure Espiritu Santo rupii.

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.