Judas 1:1 - NandevaBiblia

¹ Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Judas 1:1 ပူးပေါင်းရင်းမြစ်များ

Mateo 10:3

Felipe, Bartolome, Tomas, Mateo kyrypoti mbatyse'iare Roma pevarã, Jacobo Alfeo tay; hareka Tadeo;

Mateo 13:55

Kova rãnga hai yvyrare mba'apo'ia tay, hareka ishy hai Maria. Tyvyre Jakobo, José, Simón hareka Judas,

Marcos 3:18

Andres, Felipe, Bartolome, Mateo, Tomas, hareka Jacobo Alfeo tay, Tadeo, Simón Canaanva,

Marcos 6:3

Ha'ẽãra kova yvyrare mba'apo'ia, Maria memby, Jacobo, José, Juda hareka Simón tiche'y? Ikõãra jyre jyve ñanymbyteipi, hiindyre? Kuãã reta hei verã rãĩmi.

Lucas 6:16

Judas Jacobo tyvy, hareka Judas Iscariote Jesús pysyka vekua.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 14:22

Haipe Judas heishu Jesús (haimba Iscariote): Yreja, marã'ĩrãra oreĩpo rijeshakajy'ore, rijeshakããraposhu kuaretare?

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 17:15

Airureã nde ryheky verãre ko yvy'ĩãrẽivi, ñyngarekõĩheshi reta mbai porãmbava.

Juan 17:17

Mbijiche reta na'ãporã añetevape; niñee añeteva rupii.

Juan 17:19

Hai reta reheĩ rãnga añymyngy'ã, haire kyamba verã jyve añeteva rupii.

Juan 6:39

Hareka kova hai Sheru shymbou vekua potava; ãmykañymba verã hai meẽsheva, koñeĩ amynguerajy verã ara japyape.

Hechos 1:13

Vãhẽ jyraha Jerusalenperã jupi reta oo vate'õpe, iko jyreape, Pedro, Juan, Santiago, Andres, Felipe, Tomas, Bartolome, Mateo, Santiago Alfeo tay, Simón Selote hareka Judas Santiago tay.

Hechos 20:32

Ã'ẽ shyryvyre, airureshu Tũpa jyhaihupe ñyngareko pyndyrehe verã hareka ñee haikavivapy ñyngarekopyndyrehe verã. Hai ĩmereva mbaikatu hareka meẽpe verã pyrãtakue hareka heta mbai haikaviva mbeuva rãĩmi hai ña'ãpova retape meẽ verã.

Hechos 27:23

Shara je'i pyhare Tũpa jokueva ijeshakashe, she amombai'area,

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 1:6

Hokava paũpe rãnga opama pee pinimĩjea jyve, hẽnoha Jesucristo ryhevarã.

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

Romano 6:22

Hãma ã'ẽ pymbysyryamashiva mbai porãmba vekua, japoama pyndyhevi Tũpa jokuereva. Kova rãnga mbijehu pee pevarã tykove kyamba, hareka koñemahea pyvaĩposhu tykove opambava.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

Romano 9:24

Kyrã Tũpa ñanyrẽno arykai Judiovare mbyteivi hareka haimba Judiovare.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

2 Timoteo 4:18

Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

1 Pedro 1:5

Pirojaherã, Tũpa ñyngareko pyndyrehe hai ñymbaikatu rupii, pynypyhỹrõ verã, hai myhẽva'õva hareka jyheshakapokui opa arape.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Judas 1:21

Piko Tũpa jyhaihupy, pyhãrõteripẽĩ ara Ñandeja Jesucristo jyparekokue ryheve meẽpe verã tykove opamba.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,