Hechos 9:39 - NandevaBiblia

³⁹ Hãma Pedro pũãrã, oho hãndi reta. Haipe vãhẽmarã, raha reta Tabita hetekue ẽvãpe hareka opaite ĩme manoshiare haipe ẽẽjyve, jaheo ñynoĩ hareka mbyheshaka mondeava hareka jaso'iavare Dorcas imeteri'irã japo vekua.

Hechos 9:39 ပူးပေါင်းရင်းမြစ်များ

Mateo 17:17

Haipe Jesús hei: Tykove jyrojambaa, ñarõvare! Mbaipeverapo ãime ãĩ penendie? Mbaipeverapo aiko pyndyrehe? Perushe kope kunumi.

Mateo 26:11

Pavetevare ĩmeñoĩpo pynymbyteipi, tẽvã she ha'ẽã ãĩmeñoĩ verã pyndyvache.

Marcos 14:8

Kova taupe japo koñeĩ katu japova. Opa mbipishekatu shyrete ñotyã verã.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Juan 12:8

Kuareta pavetevare opa ara ñõĩpo piko hãndi, tẽvã she opa arããpo aiko pynypãũpe.

Juan 17:12

She ãĩme'ãĩ hãndi reta ko yvy'ĩãrẽrã, ãĩngarekohe ndyreepe rỹmeẽ she vekuare, hareka ãingarekohe reta. Hãrã mba'ety hairetava kañy shyheviva, koñeĩ pente kañy, hekope kavi iko verã mbyparahavapy'õ heiva.

Hechos 1:13

Vãhẽ jyraha Jerusalenperã jupi reta oo vate'õpe, iko jyreape, Pedro, Juan, Santiago, Andres, Felipe, Tomas, Bartolome, Mateo, Santiago Alfeo tay, Simón Selote hareka Judas Santiago tay.

Hechos 20:35

Haiñoĩ apyrỹmboihe marãrapo pymba'apo hareka ikotẽvẽva pymbory verã, ñanymanduahe Ñandeja Jesús hei vekuarã: “Me'ẽã ñandevaivi javyave, mbai ñameẽrã”.

Hechos 6:1

Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

Hechos 8:2

A'ãmo kuaretare Tũpa haihuva Esteban hetekue ñoty hareka heta hãpirõ reta.

Hechos 9:41

Pedro mbyhasashu ipo mũpũã verã, haivi hẽno heko kyambare hareka ĩme manoshiare, hãrã heshaka Tabita kuerajymava.

2 Corintios 8:12

Hãma kyrẽỹ meẽva, myvãhẽha kaviposhu vy'ape meẽrã, shara Tũpa jurureã ñande mba'etyjarea ñameẽ verã.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 4:13

Shyryvyre, potãã rãnga pypyta pikuambape mbaivara ikoshi manovare, mahẽ pyvy'ãã jyve, mbaimba hãrõ'õre rãĩmi.

1 Timoteo 5:3

Mbyveteshu taupe ĩme manoshi vekuare, ãñeteĩte mba'etyreva mboryshu verã.

1 Timoteo 5:5

Taupe ĩme manoshia ãñete hã'ẽĩ pytava hãrõ Tũpa, jurureshu mbory verã arape hareka pyharekue.

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.