Hechos 8:37 - NandevaBiblia

³⁷ Felipe heishu: Ãñete ndypyaivive ryrojarã, katupo rijapo. Haipe Eunuco heishu: Aroja rãnga Jesús haiva Tũpa tay.

Hechos 8:37 ပူးပေါင်းရင်းမြစ်များ

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Marcos 16:16

Ĩme'ẽ rojavarã hareka ñymyngarairã ohojepepo, tẽvã rojambava jaheapohe.

Juan 11:27

Marta heishu Jesús: Kyrãĩte, Sheja. Aroja nde haiva Cristo, Tũpa Tay ou verã aryka'e ko yvy'ĩãrẽ.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 6:68

Hãrã Simón Pedro heishu Jesús: Yreja, akuarã mbavarapo ohoajy hipi? Niñee rãnga hai meẽva tykove opambava.

Juan 9:35

Jesús kuaama kuimbai heshamba kũvãĩpi vekua mohẽã Judiore ñymbatyseaivirã; hesharã heishu: Rirojarahe kuareta Tay?

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 8:12

Tẽvã rojama reta Feliperã mbeu Ñee kaviva Tũpa vate'õ mburuvisha vasurã vate araivi ouva ryheva hareka Jesucristo heerã, vokape kuimbai hareka taupere ñymyngarai reta.

Hechos 8:21

Nde mba'ẽã ĩmeryrende kovape, shara ndypya symyĩã Tũpa hỹnonde.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Hechos 8:38

Hãrã heima mbypyta verã kareta; haipe mokue'õre vejy yyperã Felipe myngaraishu.

Hechos 9:20

Saulo õñepyrõ ravi mbeu Judiore ñymbatyseape, hei Jesús haiva Tũpa tay.

Romano 10:10

Shara typyaivi rojaha hipitya verã tykove hekope kavi'õ ryheva, hareka tijuruipi he'iha Jesucristo jarojava jahajepe verã.

1 Corintios 12:3

Hãme rãnga aipota pikuaa, mbaveãpo hei: “Toho Jesús Ãña kyty”, ãñete Tũpa Espiritu ryhevape ijetarã. Hareka katuã mbava heijy: “Jesús hai Ñandeja”, ãñete hai ijeta'ẽ Espiritu Santo ñymbaikatukuepyrã.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;

1 Juan 4:15

Ĩme'ẽ heiva Jesucristo haiva Tũpa Tay, ikoma hãndi Tũpa hareka pyapere Tũpa.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

1 Juan 5:10

Hãma Tũpa Tay rojava reko pyape kova mbe'uava. Ĩme'ẽ Tũpa rojambavarã, mbijapuma Tũpa, shara rojaã ñee Tũpa mbeuva Tay ryheva.

1 Juan 5:5

Opaite rojava Jesús haiva Tũpa Tay, jepyhe ko yvy'ĩãrẽ'õ.