Hechos 7:55 - NandevaBiblia

⁵⁵ Tẽvã Esteban, tynyhẽ Espiritu Santorã, mãĩ vate arapy hãrã hesha Tũpa hĩmbipekue, hareka Jesús ñymboy'ẽ Tũpa jakata kytyrã.

Hechos 7:55 ပူးပေါင်းရင်းမြစ်များ

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Juan 11:41

Hãrã mbysyry reta ita vasu mbotyhapya. Jesús vate maĩrã hei: Sheru, gracia ameẽnde shara nde shyrẽndu.

Juan 12:41

Isaias kyrã mbypara shara tynonde hesha Jesús hĩmbipekue, hãrã kyrã ijetahe.

Juan 14:3

Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

Hechos 4:8

Pedro tynyhe Espiritu Santoivirã heishu reta: Mburuvishare Israelpe'õre,

Hechos 6:10

tẽvã jepyãhe reta, shara ãrãndu ryheve ijeta Espiritu Santo meẽshuvapy.

Hechos 6:3

Hãrã shyryvyre, pyheka pynymbyteivi 7 kuimbai pyrojava, tynyheva Espiritu Santo hareka ñy'arãnduva, ñañonopokui ipope hokava haire japo verã.

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Hechos 6:8

Esteban, Tũpa mynyheshu mbaikatu hareka maĩkavihe, hai rupii japo opa mbai kavi heshaha verã hareka mbai heshaha verã opaite kuaretare mbytepe.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 8:1

Mbai vasuveva opa mbai ja'evaivi rãnga hai kova, imẽjare pente pai vasu vate arapy'ẽvã, vapy'ẽva Tũpa vapy'õpe jakata kyty,

2 Pedro 1:17

Shara ore haipe ĩmehã'ẽ jyve Tũpa Teru õmombai vasushurã. Henduha hokava Tũpa ĩñee hĩmbipeva rupii: “Kova hai shyray ahaihuva, hai reheĩ avyava”.

Apocalipsis 21:11

Tũpa hĩmbipekue opa mykõĩ, hareka sapekue maĩnypi pente ita mashyã verava, ita jaspe rãĩmi, vidrio sãkapya rãĩmi.