Hechos 7:38 - NandevaBiblia

³⁸ Ha'ẽĩ rãnga jyve Moisés iko jyre hãndi kuaretare yvy ikoambaipi, hareka Tũpa jokueva ijeta hãndiva yvyturusu Sinaipe, hãndijy ñanytynondevare hareka hai me'ẽãshu ñee tykove meẽva myvãhẽ ñande verã.

Hechos 7:38 ပူးပေါင်းရင်းမြစ်များ

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Hechos 7:30

Hasama 40 ãño yvy ikoambape Sinai he'iashua yvyturusu hyvache, pente Tũpa jokueva ijeshakashu Moisés yvyrare tata hendy'õ rãĩmi.

Hechos 7:35

Ajemaĩ haire japoãshu Moisés heiva, hãrã heishu reta: “Mbavara niñono rĩngareko yryrehe verã hareka mburuvisharã?”, Tũpa mboushu mburuvisharã hareka mbaivape hejareii verã, Tũpa jokueva rupii yvyra õpe ijeshakashurã.

Hechos 7:53

Pee rãnga me'ẽhãpe ñee mbyparahava Tũpa ña'ãpova, hai jokuevare rupii, tẽvã pijapoãshu ĩñee.

Romano 3:2

Ãñete haikavi rãnga! Tynonde, Tũpa ĩñee Judiore me'ẽãshu.

Romano 9:4

Hai reta rãnga Israelita, Tũpa pyhỹrõshu reta ta'yrã, Tũpa ẽẽmba hãndi reta heko hĩmbipe vekua ryheve, hareka japo ñee me'ẽãva, meẽshu reta Moisés mbypara vekua, haikavi õmombaivasu verãre hareka ĩñee meẽ.

Galatas 3:19

Hãma, mbai verãra haikavi Moisés mbypara vekua? Moisés mbypara vekua rãnga me'ẽhashu kuaretare heshaka verã porãmba japorã, ou peve tyray mbe'ua vekua ou verã. Kova japoa verã mbeu Tũpa jokuevare, Moisés rupii.

Hebreos 2:2

Shara Tũpa jokuevare hei vekua añete hareka opaite mbai porãmba japo vekuare hareka ñee henduã retarã hekope kavi nupãha,

Hebreos 4:12

Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.

Hebreos 5:12

Arykaimatẽ pypyrỹmboipi verã, katynga pota hykuaĩ mbe'uajype Tũpa ĩñeepe'õ javaimbatẽvã, jaishu ho'uava tantava peumatẽ verã, kambyĩ pota peupi.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.