Hechos 6:7 - NandevaBiblia

⁷ Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Hechos 6:7 ပူးပေါင်းရင်းမြစ်များ

Mateo 19:30

Kyrãpo heta tynonde'õre mbytaykueha, hareka taykue'õre mytynõndehapo.

Lucas 2:34

Simeón meẽshu reta jyhovasa, hãrã heishu Maria, Jesús ishy: Tũpa mbou ko sanjay heta Israelpe'õre ohojepe verã, hareka yngavare jaheahe verã. Haipokui pente heshaha verã hareka hetapo'ẽkui ñymbyvaishoheva.

Juan 12:42

Tẽvã, heta Judio jyroja jyvehe Jesús, hareka huvishavare. Mbe'uã retarãmeĩ opavare hỹnonde, shara kyjeshi fariseore, potãã mohẽshu reta Judiore ñymbatyseaivirã.

Hechos 12:24

Tẽvã Ñanderu Tũpa ĩñee mbe'uhave rahaha hareka ñymbyhetave oho.

Hechos 13:8

Hãrã Barjesus, pajeva Elimas he'iashuva griego ĩñeepe, õñemõihe reta hareka õñehã'ãpaite potãã mburuvisha rojarã.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Hechos 19:20

Kyrã Ñandeja ĩñee ñymbyhetave oho hareka heshaka ñymbaikatukue.

Hechos 2:47

Opapaveĩ pyraheshu reta Tũpa hareka opavare haihushu reta. Hãrã opa ara Ñandeja mbyhetave raha kuaretare tũpaope ohojepe verãre.

Hechos 21:20

Haivi kova henduma retarã, õmombai reta Tũpa. Hãrã heishu reta Pablo: Haikavi shyryvy Pablo, ryheshama israelitare mbytepe hetama ẽẽ jyrojavarã, hareka opaite ñymykateyhe reta Moisés mbypara vekua.

Hechos 6:1

Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 16:26

Tẽvã ã'ẽ ñanymbykuaaka hokava japoa verã Tũpa ĩñeẽ mbeu'iare mbyparava rupii. Tũpa opa ara ikova ñono tenta vasure kuaa verã japoa verã roja verãre hareka ñeẽ hendushu verãre Tũpa.

Galatas 1:23

Koñeĩ hendu pevẽĩte reta heiva: “Ñanymoña'i vekua, ã'ẽ mbeu'i jyve ñee kavi jyroja ryheva, aryka'e pota opa mbai'i vekua”.

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.

Hebreos 11:8

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Judas 1:20

Tẽvã pee shyryvyre ahaihuva, piñymypyrãtakatu pirojakue kyamba ĩãrẽ hareka pirure Espiritu Santo rupii.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,