Hechos 4:34 - NandevaBiblia

³⁴ Mba'ety haire mbytepe ikotẽveva; opa mbai ĩmereva yvy maĩrã oo, ovende retarã hepykue veru reta,

Hechos 4:34 ပူးပေါင်းရင်းမြစ်များ

Mateo 19:21

Jesús heishu: Pota opa rijapo hekope kavirã, ekua opa ẽvende ĩmeryreare, meẽshu pavete'iare hãrã ĩmepo ryrekui opa mbai vate arapy, haivi ei shimi'ĩrũ.

Marcos 10:21

Jesús jyhaihukue ryheve maĩherã heishu: Pente mbai mba'etynde rijapo verã. Ekua, opa ẽvende ĩmeryreare, hãrã hepykue memeẽshu pavete'iare. Hãmerãpo ripitykui mbai hetava vate arape'õ; haivi ei shimi'ĩrũ.

Lucas 12:33

Pevende opaite ĩmepyreva, hãrã pymeẽ mãĩnũnga mba'etyreape; peñehããhẽ vosa soro mbava, jaishu, mbai hetava ara vate'õpe, manarõ'ia ichemba verãpe, hareka kupii houmba verãpe.

Lucas 16:9

Hãrã hai pee: Pory kyrypoti ko hekopembaa ĩmeryreva rymbyheta verã rĩmi'ĩrũ verã. Haivi, kyrã opama pyhevi hokava kyrypotirã, Tũpa hareka jokuereare nymyvãhẽpo pente oo vate arape'õ opa ara pevarã.

Lucas 22:35

Haivi Jesús pyrãndushu reta: Apyrỹmondo kyrypoti hyrumbape, ho'uava hareka pepy ryhevambaperã. Pymbeushe, mbaivajyra mba'etype? Haire hei: “Mba'ety”

Hechos 2:45

mbyhepymeẽjyre jy'yvyre hareka mbai ĩmereare, hepykue memeẽ ijupe reta ikotẽvẽva rãĩmi.

Hechos 4:37

ko kuimbai mbyhepymba yvy ĩmereva, haivi hepykue verumba meẽshu Apostol retape.

2 Corintios 8:14

Ã'ẽ haire mba'etyre pee ĩmepyreare; mbaipeiny ĩmere jyve retakui pikotẽvẽva, kyrãpo jyvache piko.

1 Tesalonicenses 4:12

Kyrãrãpo mbai vasuva rãĩmi pindijapo haimba ñandyryhevare, hareka ĩmeñoĩpopyre maĩnunga.

1 Timoteo 6:19

Kyrãrãpo heta mbai ĩmere ara kutyvejya pevarã, hareka katupo hipity tykove opamba verã.

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.