Hechos 3:26 - NandevaBiblia

²⁶ Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.

Hechos 3:26 ပူးပေါင်းရင်းမြစ်များ

Mateo 1:21

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.

Mateo 15:24

Haipe Jesús hei: Tũpa rãnga shymboushu Israelvare avisha rãĩmi kañyva heka verãi.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Juan 4:22

Pee samaritano reta rãnga pemombai pikuambavape; tẽvã ore Judiova õmomba'eashu kuaahava; shara Judio retaivi ou pyrỹmondojepeva.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Hechos 13:26

Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 26:20

Hãme rãnga ambeu ko ñee tynonde Damascope'iare, haivi Jerusalenpe'iare hareka opaitea Judeaipi. Ambeu jyve haimba Judiova retape oujy verã Tũpa jykoty hareka haire japo vekua rupii tyheshaka mbai porãmba hejamava.

Hechos 3:13

Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Hechos 3:20

hareka katu Ñandeja mboupe ara vevyva, mbou Jesurã jypyiterãvãĩ Mesia rãĩmi pyhyrõã mbouhape vekua.

Hechos 3:22

Moisés rãnga hei ñanytynondeva retape: “Ñandeja ñanu Tũpa rãnga mupuãpokui tyvyre pãũpe pente Tũpa ĩñee mbeu'ia she rãĩmiva, pyhendushukui hai heiva,

Hechos 3:25

Pee pevarã rãnga ko ñee Tũpa ĩñee mbeu'iare rupii Tũpa meẽva, hareka pee pevarãĩjy ñee me'ẽãva Tũpa japo vekua pynytynondevare hãndi. Shara Tũpa heimbashu Abraham: “Ndyrayre rupiipo she ahovasa opaite tenta yvy'ĩãrẽ'iare”.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Romano 15:29

Hareka aikuaa kavi ãĩ, ãvãhẽpokui pynymbytepe heta mbai kavikue ryheve Cristo ryheva.

Romano 15:8

Hãrã hai pee Cristo ou iko jyve Judiore jokuerea rãĩmi heshaka verã Tũpa ñy'ãñete, opaite ñichĩchĩkavare, heshaka verã Tũpa añeteva ryheva, my'añete verã ñee me'ẽãva ñanytynondeva retape.

Efesios 1:3

Toñemombai vasu Tũpa, Ñandeja Jesucristo Tuu, shara hai ñono ñandypyape mbai haikaviva vate araivi ouva Cristo rupii.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.