Hechos 3:22 - NandevaBiblia

²² Moisés rãnga hei ñanytynondeva retape: “Ñandeja ñanu Tũpa rãnga mupuãpokui tyvyre pãũpe pente Tũpa ĩñee mbeu'ia she rãĩmiva, pyhendushukui hai heiva,

Hechos 3:22 ပူးပေါင်းရင်းမြစ်များ

Mateo 21:11

Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.

Lucas 13:33

Tẽvã, avatateripo ko arape, pareejyrã, hareka ĩrũ arajyape; shara katuãpo Tũpa ĩñee mbeu'ia manoshi Jerusalénvi katuape.

Lucas 24:19

Jesús pyrãndushu reta: Mbaivara iko? Haire heishu: Jesús Nazareno ryheva, hai rãnga Tũpa ĩñee mbeu'ia, mbaikatupy japo'ia hareka ñeepy Tũpa hỹnonde hareka opaiteva henta'õre;

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Juan 12:46

She hai sapeva ai vekua ko yvy'ĩãrẽ, opaite jyroja shyreheva ikoveama verã timimbivape.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Hechos 7:37

Moisés teiva heimbashu arykai Israelita ñymoñashiare: “Tũpa mboupokui tyvyre mbytepe pente ñimiñee'ia, she shymbouhava rãĩmi”.

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

Galatas 4:4

Vãhẽma hoka ara ñonohavaperã, Tũpa mboumbashu Tay, oa taupeivi hareka ou iko Moisés mbypara vekua heiva rãĩmi ipope.

Hebreos 2:1

Hãme rãnga jajasaka kaviñoĩpohe ñee ñahendu vekuare, ñahẽmbashi verã tape Tũpa mbishaka ñandeva.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,