Hechos 3:19 - NandevaBiblia

¹⁹ Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Hechos 3:19 ပူးပေါင်းရင်းမြစ်များ

Mateo 13:15

Ko kuaretare pya tanta retarã, haire hesa opa ñymboty potã hesharã. Haire japysa opa ñymbotyshi potã hendu hareka pyape kuaa retarã, hãndi ou she ãĩvape amynguerashu verãre.

Mateo 18:3

hei: Ãñete hai pee, piko vekua rãĩmi pyhejããrã hareka pikoã sanjay rãĩmirã picheãpo huvisha vasu vate arapy'õ ẽvãpe.

Lucas 1:16

Heta Israelpe'õre nohẽjypo mbai porãmba vekuaivi haire Ija Tũpa hape kyty.

Lucas 22:57

Tẽvã Pedro ñomirerã hei: Taupe, aikuãã rãnga jyveshu.

Hechos 1:6

Haipe Jesús ẽẽ hãndiare pyrãndushu reta: Sheja, rũmupũãjyrapokui huvisharã'õ tenta Israel ko arape?

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 11:21

Ñandeja ñymbaikatukue ẽẽ hãndi retarã, hetamba'ẽ rojavare hãrã hejava heko arykaiva rojava, haivi jyrojajyva Ñandeja.

Hechos 15:3

Tũpao Antioquiaivi mondohavare hasa reta Feniciaipi hareka Samariaipi. Haipe Judio Tũpare jyrojavare mbeu marãra haimba Judiovare opa poishi arykai roja vekuare hareka pya hei jyve reta roja verã Tũpa. Kova ñee henduma retarã vy'a jyre.

Hechos 17:26

Pente kuimbaivi rãnga opa japo tenta vasure, iko verã yvy'ĩãrẽ, hãma heishu reta mbaipeitera hareka maperapo iko,

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 28:27

Shara pyare mytãta, japysare opa mboty hareka hesare opa mboty. Hãrã katuã hesha hareka hendu, hareka kuããpo reta. Potãã oujy shykoty retarã, hareka potãã amynguera retarã.

Hechos 3:20

hareka katu Ñandeja mboupe ara vevyva, mbou Jesurã jypyiterãvãĩ Mesia rãĩmi pyhyrõã mbouhape vekua.

Hechos 3:21

Tẽvã ã'ẽ Jesucristo pytateri'ẽ vate, opa mbai ñonoha kavipeve. Opa mbai heiva, Tũpa ĩñee mbeu'ia kyambava, arykaivare ikoterivape.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

2 Tesalonicenses 1:10

Ñandeja oujymarã hokava ara hai ña'ãpovare õmombaivasu verã hareka mbyrymaĩhe verã opaite jyrojaheare. Shara pee pyroja ore mbe'uhapeva.

2 Tesalonicenses 1:7

hareka pee pyhasa'asypeĩva, ore rãĩmipo me'ẽã jyvepe putuu. Kova ikopokui Ñandeja Jesús iñandukama tata ryheve vate araivirã, jokuevare mbaikatuva hãndi,

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

Hebreos 4:1

Hãrã jairykyje, ĩmeterijare ñee me'ẽãva jaiche verã Tũpa putuuvaperã, mahẽ ã'ãmo pee pya mbijeta reta hipitymba verã.

1 Pedro 2:25

Arykai rãnga avishare kañyva rãĩmipi, tẽvã ã'ẽ peijy jykoty avisha ñyngareko'ihea hareka pyndykove ñyngareko'ihea.

2 Pedro 3:8

Tẽvã shyryvyre ahaihuva, avy pyndysarehe kova: Ñandeja pevarã, pente ara 1000 ãño rãĩmishu hai, hãrã 1000 ãño pente ara rãĩmijyshu.

Apocalipsis 21:4

Tũpa opapo joheshi sayre, ẽẽveãmapo ñymano, mbairãmba hykũaĩ ñymbairasyjy verã, maĩrã jaheojy, hareka mbai hasyvamba ñandujy verã, shara arykai'ẽ vekua mba'etyma”.