Hechos 3:13 - NandevaBiblia

¹³ Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.

Hechos 3:13 ပူးပေါင်းရင်းမြစ်များ

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Mateo 20:19

Haivipo shyme'ẽãkui haimba Judiovare ipope, ñymbyhory shyrehe verã, shunũpa hareka shymbysavavaha kurusure. Tẽvã mbahapy arapepo shykovejyrã ãpuãjykui manovare mbyteivi.

Mateo 22:32

“She hai Abraham, Isaac hareka Jacob ñu Tũpa”. Hai ha'ẽã manovare ñu Tũpa. Hykoveteri'iare ñu Tũpa rãnga hai.

Mateo 27:2

Haivi ipo pokuaha ryheve rahashu retarã meẽ reta Poncio Pilatope, huvishavasu mbory'õre ipope.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Marcos 15:11

Hãma pai juhuvishare hei jyvỹĩshu kuaretare jurureshu verã Pilato, Barrabas poishi verã.

Lucas 22:57

Tẽvã Pedro ñomirerã hei: Taupe, aikuãã rãnga jyveshu.

Lucas 23:4

Hãrã Pilato heishu pai ruvishare hareka kuaretare: She aheshãhe ko kuimbai maĩnunga porãmbava jajahehe verã.

Lucas 6:37

Avy pimbivacheka papisha mãhẽ Tũpa pimbivacheka jyvekui. Avy pijahehe papisha, mãhẽ Tũpa jahe jyve pyndyrehekui. Pyhejareiishi papisha porãmba japo pyndyreheva, hãrã Tũpa hejareiipo jyve pyndyhevi mbai porãmba vekua.

Juan 12:16

Jypyiterã mbo'ehareare kũããmba reta mbaivara he'ise kova jehu'õ. Tẽvã Jesús manorã hareka kuerajymarã, manduajyhe reta opaite kova mbai ikova Tũpa ĩñee mbyparahavape heiva rãĩmi opa iko.

Juan 18:40

Haipe kuaretare hỹnatu sapukerã hei: Hokava avy poishi hai! Poishi Barrabas! Barrabas haimba heko porãmbava.

Juan 19:11

Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Juan 19:12

Haipema Pilato heka marãrapo ma'ẽĩjyhe Jesús; tẽvã Judiore sapuke jyrerã hei: Rỹmã'ẽĩjyherã, nde haiveamapo huvishavasu Romape'õ ñi'ĩrũ! Ĩme'ẽ hei ijeheva haiva huvishavasu, ñymbyvaishomahe huvishavasu Romape'õ!

Juan 19:15

Tẽvã haire sapuke jyre: Tymano! Tymano! Mbysavava kurusure! Pilato heishu reta: Marãrapo ambysavava punduruvishavasu kurusure? Pai ruvishare heishu: Penteĩ rãnga'ẽ ururuvisha, hokava hai huvishavasu Romape'õ.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Hechos 22:14

Hai heishe: “Ñanytynondevare ñu Tũpa nypyhyrõ aryka'evaĩ rikuaa verã hai potava, hareka ryhesha verã hai heko kaviva, rỹhendu verã haiteiva juruivi ĩñee.

Hechos 24:14

Tẽvã she aimbeupo, sherure ñu Tũpa rãnga amba'aposhu, ãĩme'ãĩ Tape Py'ahuape tẽvã haire heishu hekopemba'õ, shara aroja opa mbai Moisés mbypara vekua hareka Tũpa ĩñee mbeu'iare jykuatia.

Hechos 3:12

Pedro hesha kovarã heishu reta: Marã'ĩrãra pee Israelitare, mbyry pymaĩhe ko ikovare? Marã'ĩrãra pymãĩpi yryrehe, ore mynguerahava rãĩmi kova kuimbai maĩrã ore mbyvatahajya rãĩmi ỹrỹmbaikatu hareka yryrykove mbijicheava Tũpa pevarã rupii?

Hechos 3:26

Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.

Hechos 4:27

Ãñete rãnga Herode hareka Poncio Pilato ñymbaty reta kova tentape, yngaivi ouvare hareka Israelitare hãndi hãrã puãhe reta Jesús, nimbijokue heko kyamba, nde rypyhyrõ vekua,

Hechos 4:30

hareka heshaka'ore nymbaikatu myngueraha verã ñymbairasyva, tiko mbai heshaha verã hareka mbai kavi heshaha verã nimbijokue Jesús heko kyamba.

Hechos 7:32

“She hai nytynondevare ñu Tũpa, Abraham ñu Tũpa, Isaak hareka jyve Jacob” Moisés õñepyrõ opa ryry kyjerã, hareka ẽẽãshu maĩhe verã.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

Hebreos 2:9

Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,