Hechos 26:20 - NandevaBiblia

²⁰ Hãme rãnga ambeu ko ñee tynonde Damascope'iare, haivi Jerusalenpe'iare hareka opaitea Judeaipi. Ambeu jyve haimba Judiova retape oujy verã Tũpa jykoty hareka haire japo vekua rupii tyheshaka mbai porãmba hejamava.

Hechos 26:20 ပူးပေါင်းရင်းမြစ်များ

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 3:8

Tijyhesha pyndyrehe pyhejama mbai porãmba pijapo vekua.

Mateo 4:17

Haivivaĩ Jesús õñepỹrõ ñimiñeerã, hei: “Peijy Tũpa jykoty, shara huvisha vasu vate arapy'õ ryheva kõõĩma'ẽ”.

Mateo 9:13

Pekua pikuaa mbaivara he'ise Tũpa ĩñeepe heirã vekua: “She rãnga aipota pypareko papishare hareka ha'eã mymba jukahavare”. She aĩã ãhẽno heko kavivape, koñeĩ heko porãmba'iare opa heja verã mbai porãmba japo vekua.

Marcos 6:12

Haivi mboireare õhẽ mbeushu kuaretare Tũpa ĩñee, heishu ãteñoma japo verãre mbai porãmbava, hareka oujy verãre Tũpa jykoty.

Lucas 1:16

Heta Israelpe'õre nohẽjypo mbai porãmba vekuaivi haire Ija Tũpa hape kyty.

Lucas 13:3

Kyrãã rãnga! Hãma pee peijyvyã Tũpa jykotyrã, pymanoñoĩpo jyve.

Lucas 13:5

Kyrãã rãnga! Hãma pee peijyvyã Tũpa jykotyrã, pymanoñoĩpo jyve.

Lucas 15:10

Kyrã vya jyve Tũpa jokuevare pente heko porãmba'ia heja mbai porãmba vekuarã.

Lucas 15:7

Kyrã hai pee hetaveva vyapo vate arapy ẽẽ pente heko porãmba oujy Tũpa jykotyrã, 99 heko kavi'ia retaivi ikotẽvẽmba ẽẽ ñymbeujyhaivare.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 15:19

Hãrã hai pee, ỹteñoma ñañonoshu verã mbai pohyva haimba Judiore, Tũpa jyrojaheare.

Hechos 17:30

Tũpa hejareiimbashi aryka'e kuaretare kuaambape mbai japo vekua, tẽvã ã'ẽ opava retape hareka opa rupi'iare heishu oujy jykoty verãre.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 26:17

Arỹmondo jepeva nyrẽta ĩrũ retaivi hareka haimba Judio retaivi, hãrã ã'ẽ ãrỹmondopo hokava retape,

Hechos 26:19

Hãme, huvisha vasu Agripa, shiñeerẽndushu shyresape'õ vateivi ouva.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Hechos 9:35

Opaite Lidia hareka Saronpe'õre, hesha pũãjyrã hareka opa roja jyve reta Ñanderu Jesús.

Romano 2:4

Rĩmbijiche, opambava Tũpa ñymbai kavi, pyakavikue, hareka ñyhãrõkuaa, rikuamba rỹmondova hokava ñymbai kavikue katu ndyverujyva Tũpa kyty.

2 Corintios 3:16

Tẽvã Ñandeja jykoty oujy retarã, hova mbykaso'iapya hekyhashiva rãĩmipo mbaikuaakueivi.

2 Corintios 7:10

Vyamba ryheva Tũpaivi ouva veru jaheja verã mbai porãmba vekua, jahajepe verã. Tẽvã ñymbasy ko yvy'ĩãrẽ'õ veru ñymano.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

Apocalipsis 16:11

Haipeĩmbatẽ maĩnunga porãmba poi japovare, jahepevẽĩ jyrehe Tũpa vate arapeva, mbai rasykue hareka kurukueivi.

Apocalipsis 2:21

She ahãrõĩtẽshi oujy verã Tũpa kyty, tẽvã ñateỹ heja heko porãmba vekua.

Apocalipsis 2:5

Hãma nymanduapohe mapera reajy, eijy jykoty Tũpa, tynondeite rikova rãĩmipo rikojy. Rijapoã kyrãrã ahekypo ndyhevikui nytataĩndy hyru hendaivi, reijyvyã Tũpa jykotyrã.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.