Hechos 26:17 - NandevaBiblia

¹⁷ Arỹmondo jepeva nyrẽta ĩrũ retaivi hareka haimba Judio retaivi, hãrã ã'ẽ ãrỹmondopo hokava retape,

Hechos 26:17 ပူးပေါင်းရင်းမြစ်များ

Hechos 13:50

Tẽvã israelvare ijeta hãndi taupere hekokaviva hareka hyrãkuakavi'ia karaivasure hoka tentape'õre hãndi, ijeta hãndi huvisha tentape'õre jyvaishohe Pablo hareka Bernabé mohẽ verãre jy'yvyivi.

Hechos 16:39

Haipe ou heishu reta Pablo hareka Silas haire mbasyva japoheare. Haivi nohẽjy retarã jurureshu õhẽ verãre tentaivi.

Hechos 17:10

Pyntumarã Jesús jyrojaheare ãrẽ'ãĩte mondo reta Pablo hareka Silas Barea kyty. Vãhẽma jyraharã oho reta Judiore ñymbatyseape.

Hechos 17:14

Hãrã Jesús jyrojaheare ỹrẽ'ãĩte mondo reta Pablo yyvasu hymbey kyty, tẽvã Silas hareka Timoteo pyta reta Bereape.

Hechos 18:10

Shara she ãĩme'ãĩ nendie, mba'ety poko ndyrehe verã maĩnunga porãmba japo ndyrehe verã, shara heta'ẽ kuaretare jyroja shyreheva ko tentape.

Hechos 25:3

Hãrã jurure kavishu reta Festo, veruka verã Pablo Jerusalenpe, shara haire opamaĩ hei reta juka verãre pehupi.

Hechos 28:28

Pikuaa kavipo ko Tũpa pyrỹmondojepeva mbe'uhama haimba Judio retape, hãrã haire hendu kavipo kova ñee!

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 11:13

Tẽvã ĩme'are hai pee verã, pee Judiombare. Tũpa shymbou ĩñee ambeu ai verã pynymbytepe hareka ãmombai kova ajapova.

Romano 15:16

shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

2 Timoteo 1:11

Tũpa shiñono ambeu verã kova ñee, hareka shymondo apostolrã hareka Judiombare mboire verã.

2 Timoteo 3:11

shymoñaha'irã hareka jyhasa'asykuere. Rikuaa iko shyrehe vekua Antioquiape, Iconiope, hareka Listrape. Tẽvã opa kova mbaivi Ñandeja shynohẽjy.