1 Terure hareka tyryvyre, pyhendu ko hai shijeheva.
Pyrahaha Judiore ñymbatyseape, karai vasure hareka mburuvishare hỹnonderã, avy pejepy'apy marãrapo hareka mbaivara perepo pymaĩ hỹnonde verã;
Avypo pejepy'apy pypya pimbijetarã marãrapo pijeta pijochashi verã.
Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.
Hãma kuaretare mbyteivi nohẽ reta pente kuimbai Alejandro he'iashuva, Judiore maña mondo reta kuaretare hỹnonde. Hãrã Alejandro ipope myha'ãnga jasaka verãre, ijeta verã Judiore rehe henta'õre hỹnonde.
Pablo maĩ'ihe haipe huvisha ñymbaty'õ retarã hei: Shyryvyre, ã'ẽpeve aiko shãka vapy kavi ryheve Tũpa hỹnonde.
Haivi Pablo heshama haipe'ẽ jyve Saduseo hareka fariseo retarã hỹnatu hei: Shyryvyre, she hai fariseo, pente fariseova tay, shyveruha kope shara arojashe mano vekuare kuerajy verã.
Haipema huvisha myha'ãngashu Pablo ijeta verã, hãrã Pablo hei: Avy'a aijetapo shijehe nynonderã, shara kuriã aikuaa ko tentape nde hai ripirĩmbivacherẽĩva.
She haipe haishu Romape mburuvisharã'õre jypykuava rãĩmi, jukãã mbavape mbivachehakambashuva mbai mbeuva hãndi, hareka ijetarãni ijehevape.
Haipe Pablo ijocha verã hei: She ajapoãhe porãmba Moisés mbypara vekuare, tũpaore maĩrã Cesar rehe.
Kova mbai opa hei ijehe Pablorã, Festo sapuke: Rikuakuãã rãngari Pablo! Ny'ãranduiterã, nymbykuakuama'i!
Romape vãhẽha ohoharã mbahapy araheape, Pablo hẽnoka Judiore juhuvisha hareka ñymbatyma hãndi retarã heishu: Shyryvyre ajemaĩ ajapoã porãmbava ñanyrẽtare hareka ñanytynondevare jypykuava rãĩmi, tẽvã Jerusalenvare shiñono Romavare ipope.
Esteban hei: Shyryvyre hareka terure, shyrẽndupi: Ñanu Tũpa hĩmbipeva ijeshakambashu arykai ñanderu Abraham Mesopotamiape, ndei oho iko Haranperã,
Kyrã heshaka reta haire ĩmereare pyape, ñee mbyparahava Tũpa ña'ãpova. Haire pyape'õtei my'añeteshu reta, hareka pya mbijetaheape heiposhu reta haikavivara maĩrã porãmbara.
Kyrã aijetashu ijeta'i shyrehevare.
Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.
Haikavi Tũpa pota rupii piñymbasypeĩrã. Pymaĩhe marãra veru mbai haikaviva! Kyrã mondo kuaa mba'eã ajaporã hareka shyrepy reta. Hãma poshy reta hareka kyje reta maĩnunga iko verãre. Pota shyresha reta hareka ajeraima japova jahehe reta. Opaite kova rehe, pyheshaka peĩã jyve kovaperã.
Tẽvã ĩme'ẽ Cristo ĩñee ryheva mbeuva Tũpa haihurã, shara kuaa reta Tũpa shiñono kope amaĩ ĩãrẽ verã Ñee kaviva.
Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.
Tynondeite aijeta shijehe huvishare hỹnonderã, mba'ety shichere ẽvã; opaite shyreja reta. Airureshu Tũpa potambaa jahehe verã hokava rehe.
koñeĩpo, pyndypyaivive pemombaishu Cristo Teja rãĩmi. Tantakatupẽĩ pembohovai verã pyrãnduhape pyharõpeĩva reherã.
