Hechos 20:7 - NandevaBiblia

⁷ Ara semana oñepyrõheape, ñymbatyha pãhã pyse'ãhã verã, haipe Pablo mboishu Jesús jyrojaheare. Ohojymapojy ĩrũ arajyaperã, pyhare mbytepeve ijeta.

Hechos 20:7 ပူးပေါင်းရင်းမြစ်များ

Marcos 16:9

Jesús kuerajymarã ara tynonde'õ semana õñepỹrõape kõ'ẽĩ, tynonde ijeshakashu Maria Magdalena, 7 mbaiposhy mohẽshi vekua.

Lucas 22:19

Haivi hekyjy pãhã; opama jururejy'ĩãrã, pyseã meẽshu retarã hei: Kova hai shyrete, me'ẽã pyndyrehe verã. Pynymanduajy shyrehe verã, pijapo kova.

Lucas 24:35

Hãrã haire mbeu mbaivara jehushu reta pehupi, hãndi marãra haire kuaajyshu reta Jesús pãhã pysẽãrã.

Juan 20:1

Semana ara tynondeheape, kõ'ẽĩ pỹntuteriva, Maria Magdalena oho tã'õvẽ ẽvãpe Jesús ñonoãvape; hãrã hesha ita jo'oava juru mbotyhapya mbysyryama.

Juan 20:19

Hokava Domingo arape pỹnturã, Jesús mboireare ñymbaty reta. Haipe õche mboty reta shara kyje jyreshi Judio juhuvishare. Haivi Jesús ou haire mbyteperã, marãndushu retarã hei: Pyndypya kaviteño!

Juan 20:26

Hãrã 8 ara jyape, Jesús mboireare hykuãĩ ñymbaty py'aujy pente oope, haipe Tomas ñynõĩma jyve hãndi reta. Õche opate mbotya kaviva, Jesús ou haire mbytepe, marãndushurã hei: Pyndypya kaviteño!

Hechos 16:10

Haivi Pablo heshama hesape'orã, opa ravẽi õĩã kavi ohoha verã Macedoniape, shara kuaaha kavi Tũpa ỹrỹrẽno haipe ohoa mbe'ua verã Ñee kavivarã.

Hechos 2:42

Hãrã haire iko Apostolre mboishua rãĩmi mbijao ijupe reta ĩmereare, ñymbaty retarã hareka iko reta pente ñeepe, jurure hareka hou reta jykaru Tũpa ñymanduaheva ryheva.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

Hechos 20:11

Haivi Pablo hykuaĩ jupijy; pyseã pãhã, opa hou retarã, ko'ẽpeve ñimiñee. Haivi oho.

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

Hechos 20:5

Kovare ñymytynonde yryhevirã, jyraha ỹry'ãrõ reta Troaspe.

Hechos 20:9

hareka pente kunumi Eutico he'iashua petanore vapy'ẽ. Pablo pukuitema ijetarã hokava kunumi hypehyiterã oche haipe, hãrã oo mbahapy jyvohy'õivive oa, jyrahajy mupuãrã hã'õvẽkueĩma'ẽ.

Hechos 28:23

Ñonombajyshu reta pente ara ñymbatyjy verãre, hãme hetaiteve oujy Pablo ẽvãpe. Hãrã ko'ẽĩ hareka ka'arupeve Pablo ijetaheshu reta Tũpa ẽvãpe'õ ryheva. Moisés mbypara vekua hareka Tũpa ĩñee mbeu'iare jykuatia rupii ijeta jyveshu reta haire roja verãre Jesús haiva Mesia.

1 Corintios 10:16

Ñaimbyupy kopa ohovasahavarã, hai rupii jahovasapy Ñandeja, ñañymypenteãra hãndi Cristo huvy rupii? Pãhã jaurã, ñañymypenteãra hãndi Cristo hetepe?

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

1 Corintios 16:2

Domingoma'ẽrã, pepenteĩ timbijiche kyrypoti, hipityva rãĩmi, mahẽ ahamarã ajera pymbatypijykui.

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

Apocalipsis 1:10

Ãĩme ãĩ Espiritupy Ñandeja jy'arape, hãrã ahendu shaykue pente ñee hỹnatuva, trompeta ipukue rãĩmiva,