Hechos 20:29 - NandevaBiblia

²⁹ Shara aikuaa kavi ahamarã, ouñoĩ verã yngavare, avara vasu ñarõva rãĩmi pota mby'opava tũpao.

Hechos 20:29 ပူးပေါင်းရင်းမြစ်များ

Mateo 10:16

Pikuapo, avisha rãĩmi she apyrỹmondo avara vasure mbytepe. Hãrã piko kuaapo mboi rãĩmi, hareka pykasure rãĩmi heko poshymbaa.

Mateo 7:15

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi.

Lucas 10:3

Pekua, tẽvã pikuapo pymondo she apyrỹmondova avisha ray rãĩmi, avara vasure mbytepe.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Juan 10:12

Tẽvã mbyhepyashurãmeĩ mba'apova, heja avishare hareka ñyvãhẽshi, shara ha'ẽãhai avishare ñyngareko'ihea, hareka ha'eã avishare hai ña'ãpova. Hãme rãnga avara vasu ou opa momohẽ avishare, hareka oparupi opa oho.

Juan 21:15

Opa karu retarã, Jesús pyrãndushu Simón Pedro: Simón, Jonas tay, shyraihuvera kovaivi? Simón Pedro heishu: Aryraihu rãnga Sheja, nde rikuaa kavi aryraihuva. Jesús heishu: Akuarã ñyngarekohekui shy'avishare.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

1 Pedro 5:2

Pingarekohe Tũpa jy'avishare, pepope ñonohavare. Pijapo kavi kova Tũpa potava rãĩmi, pinimiñerãhamba'iape hareka kyrypoti pipotambape.

2 Pedro 2:1

Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.

Judas 1:18

Hai reta rãnga heipe: “Ara japyape vãhẽserimarã, ĩmepo'ẽ kuaretare ñymbyhoryva mbai haikavivare hareka porãmbavaĩpo pota japo”.