Hechos 20:19 - NandevaBiblia

¹⁹ Heta ara aiko penendie aijokueka Ñandejape airojamba shijehevape, heta ajahe'o hareka heta ahasa'asy Judiore pota japojyre shyrehevape.

Hechos 20:19 ပူးပေါင်းရင်းမြစ်များ

Lucas 19:41

Haivi vãhẽma jyraha Jerusalen hyvacherã, Jesús hesha hokava tenta, hãrã jaheo,

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Hechos 17:13

Judio Tesalonicape'iare kuaama Pablo hareka Silas mbeu jyre Tũpa ĩñee Bereaperã, oho jyve reta haipe opa momohẽ kuareta heta vekua.

Hechos 17:5

Tẽvã kova Judiore jyrojambavare heshatãã reta, hãrã õñepyrõ mbaty reta kuimbaire haipi pehupi ikoreii'iare, opa momõhe verã hoka tentape'ẽvã. Hãrã vãhẽ jyraha Jason hentape heka jyre Pablo hareka Silas, nohẽrã meẽshu verã kuaretare.

Hechos 20:3

Haipe pyta mbahapy jasy. Hareka varkope ohoserima'ia Siriape, kuaa Judiore ĩñee ñono ñynoĩhearã, hãrã hei yvyipĩĩ oujy verã Macedoniaipi.

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

Hechos 21:27

Tẽvã opaserima mboty 7 arape opa verãperã, Judiore tenta Asiape'õre hesha reta Pablo tũpaope, hareka opa ikorai retarã opa ñymomohẽ kuaretare. Pysy reta Pablo

Hechos 27:23

Shara je'i pyhare Tũpa jokueva ijeshakashe, she amombai'area,

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 1:9

Tũpa rãnga, hai shypya ryheve aikohea ambeuva Ñee Kaviva Tayre'õ, hai shyresha shymanduañoĩ pyndyreherã,

Romano 12:11

Kyrẽ'ỹpe pymba'apo hareka avypo pate'ỹ. Pymba'apo Tũpa pevarã, kyrẽ'ỹpe.

2 Corintios 2:4

Ambyparape hokava kuatiarã, vyamba vekua hareka ajepy'apy ryheve ajapo, hareka ajaheoseve, ha'ẽã pota apyrỹmbyvy'ãrã, pyhesha verãĩ rãnga marãra apyryhaihu.

2 Corintios 3:5

Tẽvã ore õĩhãã oreii mbai japoha irijehe verã; Tũpa rãnga meẽ ore mbai katuha japoha verã.

2 Corintios 7:5

Jypy vãhẽhã ouha Macedoniaperãvãĩ putu'uhãã, oparupi hasaha jyhasa'asy, yryreshatambare oñehã'ãha hãndi, hareka kyjekue hyvaishope.

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Efesios 6:7

Pijapo kavi maĩnunga pijapova kyrẽ'ỹpe, Ñandeja pevarã hareka ha'eã kuaretare pevarã.

Filipenses 3:18

Hetama hai jyvyĩpeva rãĩmi, hareka ã'ẽ shysay syry ẽẽ shyrovare, ĩme'ẽ heta heshatamba Cristo jukurusurã.

Colosenses 3:24

Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

2 Timoteo 1:4

Shymanduañoĩhe rijaheorirã vekua, hãrã shykyrẽy aryresha shytynyhẽ verã vy'akue.

Santiago 1:2

Shyryvyre pyvy'aĩpo opaĩ marãrãva pyarãã pyhasapeĩrã.

1 Pedro 1:6

Hãme rãnga pee pynytynyhẽpo vya, katu sapy'aiteĩ heta pyhasa'asy.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Apocalipsis 7:15

Hãme rãnga ã'ẽ haire ẽẽ Tũpa vapypya hỹnonde, ara hareka pyhare ijokueka ñynõishu jytũpaope, Tũpa ẽẽpo hãndi reta hareka ñyngarekopohe.